The Definitive Guide to Living in the Capital , Cairo , Egypt

أيام قليلة وندخل على عام 2020، لكن هيفضل عام 2019 أكتر عام مميز في تاريخ الرياضة المصرية، اللي حققت إنجازات مبهرة على المستوى الدولي في عدد من الألعاب أبرزها الإسكواش.

ونجح الإسكواش المصري في 2019 من التميز في مختلف البطولات الدولية، ونجح المصريين في تصدر التصنيفات العالمية، من خلال التتويج بعدد من الألقاب العالمية آخرها الفوز يوم السبت 21 ديسمبر ببطولة العالم على صعيد فرق الرجال.

وفي السطور الجاية هنقدم لكم أبرز النجاحات اللي حققها الإسكواش المصري على مدار عام 2019، زي ما نشرها موقع كورة، تعالوا نفرح مع بعض:

بطولة العالم فرق

نجح منتخب مصر رجال في التتوج ببطولة العالم للفرق اللي أقيمت في الولايات المتحدة الأمريكية في الفترة من 15 حتى 21 ديسمبر الجاري، وده بعد التغلب على المنتخب الإنجليزي بنتيجة 2-0 من اللقاءات في نهائي منافسات البطولة، وحصد المنتخب المصري لقب البطولة للمرة الخامسة في تاريخه وللمرة الثانية على التوالي بعد ما حقق منتخب الفراعنة اللقب في نسخة عام 2017 اللي أقيمت في فرنسا.

بطولة العالم فردي

وعلى صعيد الفردي هيمن الإسكواش على لقب البطولة على مستوى منافسات الرجال وكمان السيدات، وحصد اللاعب طارق مؤمن لقب بطل العالم فردي رجال اللي أقيمت في نوفمبر اللي فات في قطر، للمرة الأولى في تاريخه، بعد ما هزم منافسه النيوزيلاندي بول كول بنتيجة 3-0 من الأشواط، في المباراة النهائية.

كمان توجت اللاعبة نور الشربيني بلقب بطولة العالم فردي سيدات اللي أقيمت في أكتوبر اللي فات في مصر، للمرة الرابعة في تاريخها، بعد الفوز على مواطنتها رنيم الوليلي بنتيجة 3-1 من الأشواط، في إطار المباراة النهائية.

بطولة الجونة الدولية

كمان هيمن الإسكواش المصري على بطولة الجونة الدولية اللي أقيمت إبريل اللي فات، وحصد علي فرج لقب البطولة للمرة الأولى في تاريخه لمنافسات الرجال، وفي منافسات السيدات حصدت رنيم الوليلي اللقب للعام الثاني على التوالي.

بطولات دولية

عام 2019 شهد عدد من البطولات الدولية والعالمية الكبرى، واللي سيطرت عليها مصر، ومنها بطولة أمريكا المفتوحة اللي توج بلقبها في منافسات الرجال اللاعب المصري علي فرج، وفي منافسات السيدات المصرية نوران جوهر.

وفي بطولة بريطانيا المفتوحة توج المصري محمد الشوربجي في منافسات الرجال، ونوران جوهر في منافسات السيدات، ده غير بطولتي مصر الدولية، وفاس تشانل لمنافسات الرجال واللي توج فيها اللاعب المصري كريم عبد الجواد.

وفي بطولتي ويمبلدون المفتوحة وكأس جراسهوبر، أحرز محمد الشوربجي لقبي المسابقة، بجانب بطولة سي سي إي الدولية اللي أحرزها طارق مؤمن.

إضافة إلى بطولتي بلاك بول، وكليفيل لاند كلاسيك لمنافسات السيدات اللي أحرزهما على الترتيب المصريتين رنيم الوليلي، ونور الطيب.

كمان حصد محمد الشوربجي بطولة أوركال المفتوحة لمنافسات الرجال، ورنيم الوليلي لمنافسات السيدات، وكذلك بطولة سي إي بي الدولية واللي حصد لقبيها لمنافسات الرجال والسيدات المصريين كريم عبد الجواد، ورنيم الوليلي، وبطولة دي بي دي المفتوحة اللي أحرزها علي فرج، ورنيم الوليلي، إضافة إلى بطولة جيه بي مورجان اللي توج بها السنة دي المصريين علي فرج، ونور الشربيني.

هيمنة مصرية على التصنيف العالمي

كمان شهد عام 2019 هيمنة مصرية على المراكز المتقدمة للتصنيف العالمي للعبة، على سبيل المثال جاء آخر تصنيف صدر في أول ديسمبر الجاري، احتلال علي فرج المرتبة الأولى عالميًا في التصنيف العالمي للرجال، وبعده مواطنيه محمد الشوربجي، وكريم عبد الجواد، وطارق مؤمن.

وعلى صعيد التصنيف العالمي للسيدات جاءت رنيم الوليلي في المرتبة الأولى، وبعدها نور الشربيني، وبعدها نوران جوهر، ثم نور الطيب.

بطولة العالم للناشئين

كمان تفوق الإسكواش المصري السنة دي على صعيد الناشئين، ببطولات العالم على مستوى الفردي والفرق.

ونجح المصري مصطفى عسل في حصد لقب بطولة العالم فردي ناشئين، وكمان مواطنته هانيا الحمامي اللي نالت اللقب على صعيد الفردي ناشئات.

كمان حقق منتخب مصر للناشئات لقب بطولة العالم فرق اللي أقيمت السنة دي، وده للمرة السابعة على التوالي، والتاسعة في تاريخ مصر.