The Definitive Guide to Living in the Capital , Cairo , Egypt

صحة ولياقة

بداية سنة جديدة في عمر محمد صلاح.. إيه هي أهم إنجازات الفرعون المصري؟

أخبار محمد صلاح إنجازات محمد صلاح الفرعون المصري عيد ميلاد محمد صلاح محمد صلاح مو صلاح
بداية سنة جديدة في عمر محمد صلاح.. إيه هي أهم إنجازات الفرعون المصري؟
بواسطة
Mohamed Talaat

من ساعات، وبالتحديد يوم 15 يونيو الجاري، احتفل لاعب المنتخب المصري وأيقونة فريق ليفربول الإنجليزي، محمد صلاح، بعيد ميلاده الـ29، وسط حب ودعم كبير من عشاق الساحرة المستديرة، وخاصة جماهير الكرة المصرية، اللي بتسانده في مشواره الرياضي علشان يحقق نجاحات أكتر.

وبحسب تقرير نشره موقع ميركاتو أصبح “مو” قدوة للأجيال الشبابية، مش بس في مصر لكن في العالم العربي كله، وده بفضل مجهوده وإصراره على وضع اسمه ضمن أفضل اللاعبين في العالم.

أهم أنجازات “صلاح” هي جملة “أول لاعب مصري” اللي كانت دائمًا بتسبق تفاصيل أي إنجاز جديد يحققه، طوال الـ9 سنوات اللي احترف فيهم، بداية من بوابة بازل السويسري، مرورًا بمشواره الصغير مع تشيلسي سنة 2014، ومنه إلى فيورنتنيا ثم روما، قبل ما يحتضنه الألماني يورجن كلوب في ليفربول سنة 2017.

تعالوا نعرف إهم إنجازات صلاح اللي سبقها جملة “أول لاعب مصري”:

أول لاعب مصري يتوج بالبريمرليج

صلاح كان “أول لاعب مصري” يقود فريقة ليفربول الإنجليزي إلى طريق التتويج بلقب “البريميرليج”، بعد محاولات فاشلة دامت لأكثر من 30 سنة، وحقق الفرعون ورفاقه المعجزة، وأصبح “مو” أول مصري يتوج بلقب الدوري الإنجليزي، رغم تتويجه به في وقت سابق بقميص تشيلسي، لكنه لم يحسب ضمن إنجازاته بسبب عدم تجاوزه عدد المشاركات المحدد لمنحه اللقب.

دوري أبطال أوروبا

ومن “البريميرليج” إلى البطولة الأوروبية الأكثر مشاهدة في العالم، حصد الفرعون المصري لقب دوري أبطال أوروبا لعام 2019، كأول لاعب مصري يرفع اللقب القاري الأهم في القارة العجوز.

أول لاعب مصري يتوج بلقب كأس العالم للأندية

كأس العالم للأندية، واحدة من ضمن الإنجازات البارزة التي ضمها محمد صلاح إلى سجلاته الخاصة بعد ما حصد برفقة فريقه الإنجليزي، لقب البطولة اللي أقيمت في قطر، عام 2019، ليصبح الفرعون أول لاعب مصري يحصد اللقب ده.

صلاح يتفوق على ميدو في لقب أول لاعب مصري

محمد صلاح ماتوقفش عند الحد ده وبس، ده كمان انتزع لقب أول لاعب مصري من يد مواطنه أحمد حسام ميدو، لاعب توتنهام السابق، اللي حمل اللقب في الماضي لما ارتدى قمصان ثلاث أندية في دوري أبطال أوروبا، لكن انتصر “مو” على التاريخ ده وأصبح هو أول لاعب مصري يظهر في “التشامبيونزليج” بقميص أربع أندية مختلفة.

هتفضل حبيب الملايين يا أبو صلاح!

مقترح