بدون رياضة.. 5 أكلات تتجنبها علشان تنزل الكرش
اكل بطاطس كحك كحول كرش لحوم مصنعة مشروبات غازية
Mohammed Sabry
الكرش طبعًا مشكلة بيعاني منها كتير مننا. وعلشان نقضي عليه لازم نلعب رياضة. بس الكرش ممكن نتخلص منه من غير رياضة، لو اتجنبنا أطعمة معينة. تعالوا نتعرف عليها، حسب ما نشرها موقع “سكاي نيوز عربي”:
1- اللحوم المصنعة
دي بتكون مشبعة بالدهون وبتسبب انتفاخ. ويُفضل استبدالها بالأسماك الزيتية. كمان الأطعمة الغنية بالأوميجا 3 بتحتوي على دهون غير مشبعة، وبتساعد في إنقاذ الوزن.
2- رقائق البطاطس
النوع ده من الأغذية بيحتوي على كمية كبيرة من الدهون غير النافعة. بجانب نسبة كبيرة من الملح. الأفضل أكل الفاكهة الطازجة أو المكسرات غير المملحة.
3- المشروبات الغازية
المشروبات الغازية بتسبب انتفاخ المعدة. ودراسات كتيرة ربطت بين استهلاك المشروبات الغازية، وبين زيادة محيط الوسط. نقدر نستبدلها بالمية اللي بنكهة الليمون والخيار أو النعناع.
4- الكحول
هيئة الخدمات الصحية الوطنية في بريطانيا بتقول، إن شرب نص لتر تقريبًا من الكحول أسبوعيًا، بيضيف ما يصل إلى 44200 سعر حراري للجسم سنويًا. وده قد تناول 221 دونات.
5- الحلويات والكحك والبسكويت
النوع ده من الأكل مليان ملح وسكريات ودهون. يُفضل نستبدله بالمخبوزات والمعجنات.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
