The Definitive Guide to Living in the Capital , Cairo , Egypt

السحور وجبة مهمة في رمضان، متقلش خالص عن أهمية وجبة الإفطار، لإنها بتمد الجسم بالطاقة خلال النهار، علشان كده لازم تكون صحية ومتكاملة، ومهم نعرف إن إهمال وجبة السحور، أو تناولها بدري قوي، أمور بتؤدي للإرهاق الشديد وهبوط السكر أثناء النهار.

في الموضوع ده هنعرفكم على أهم التوصيات علشان وجبة السحور تكون صحية.

نصائح لسحور صحي

1 – مهم جدًا نتجنب الإكثار من الأطعمة والمشروبات اللي فيها محتوى عالي من السكريات والنشويات المكررة في السحور، زي المعجنات والخبز الأبيض، لأنها سريعة الهضم والامتصاص وبترفع سكر الدم بشكل سريع وبعدها بتخفضه بشكل سريع، وده بيسرع من الشعور بالشبع وبالتالي الشعور بالجوع.

2 – من ناحية تانية، بننصحكم بتناول الأطعمة اللي بتكون فيها محتوى عالي من الألياف الغذائية، زي الحبوب الكاملة والخضراوات والفواكه والبقوليات، لأنها بتبطئ عملية الهضم والامتصاص وبترفع سكر الدم، وده بيؤدي لزيادة الشعور بالشبع، ولأنها بتحتوي على كميات عالية من الماء، فده بيساهم في تعويض سوائل الجسم وتقليل الشعور بالعطش.

3 – لازم نتجنب الأطعمة المالحة كالمكسرات المملحة والمخللات لتجنب فقدان السوائل والشعور بالعطش.

4 – تجنب تناول المنبهات في وقت السحور لإنها بتزيد من فقدان السوائل في الجسم.

5 – الابتعاد عن الأغذية اللي فيها نسبة كبيرة من البهارات والتوابل، وفي المقابل مهم الإكثار من الأغذية الغنية بالبوتاسيوم كالموز والحليب والتمر والمشمش المجفف.

6 – مهم كمان نهتم بشرب الماء بكميات مناسبة، وعدم الإفراط في شربه قبل الفجر مباشرة لأن ده بيحفز الكلى على التخلص من الكمية الزائدة، وده بيسبب اضطراب النوم والشعور بالتعب والإرهاق خلال الصيام.

7 – مهم شرب الماء بعد السحور بفترة قليلة لأن شربه خلال تناول السحور بيقلل من تركيز العصارات الهاضمة، ومهم كمان نتجنب المشروبات الغازية لأنها بتقلل من كفاءة الهضم وبتملأ المعدة.

8 – تأخير وجبة السحور إلى ما قبل الفجر بفترة قصيرة، والوقت الأمثل هو قبل أذان الفجر بساعة واحدة بالكتير، ومن الخطأ تناولها بعد منتصف الليل بقليل ثم النوم.

9 – عدم النوم بعد وجبة السحور مباشرة.

 

كل سنة وأنتم بخير وصحة يا أهل القاهرة، ورمضان كريم!