The Definitive Guide to Living in the Capital , Cairo , Egypt

كتير من الموظفين حاليًا بيشتغلوا من البيت، بسبب تفشي فيروس “كورونا” المستجد، وطبعًا العمل من البيت وعدم الخروج منه صحي ومفيد في الفترة دي لوقف انتشار الوباء العالمي واللي حصيلة الإصابات بيه عدت المليون إصابة، ولكنه في نفس الوقت ممل ومرهق بزيادة، وعلشان كده منظمة الصحة العالمية بتقدم 4 نصائح للعمل من البيت، هتساعدكم على الاستمتاع بالتجربة دي.

طلوع ونزول السلم

لما بتطلعوا وتنزلوا السلم ده بيعزز الدورة الدموية، وبيحسن كفاءة عمل القلب، وهيبعد عنكم الجلطات، وكمان هيحرق لكم السعرات الحرارية، فيالا خدوا بريك واعملوا ده.

إراحة العضلات

بحسب منظمة الصحة العالمية، لازم كل نصف ساعة تسيبوا الكراسي اللي قاعدين عليها وتقوموا تعملوا كام تمرين زي تحريك الإيدين لأعلى، وتحريك الأكتاف بشكل دائري.

الرقص

لو زهقتوا من القعدة في البيت علشان الشغل والحظر، شغلوا موسيقى وأرقصوا، علشان الرقص بيحرك كتير من العضلات، وكمان بيعدل المزاج ويخلي الموود حلو.

التسلية

لو جربتم كل اللي فات ولسة حاسين بزهق، وقفوا شغل فورًا، وشوفوا أي حاجة مسلية على الإنترنت على حسب ذوقكم، تخرجكم من جو الشغل، وهي كلها دقائق وهترجعوا تشتغلوا من جديد لكن بحماس أكتر.