The Definitive Guide to Living in the Capital , Cairo , Egypt

صحة ولياقة

دليلك الكامل للاستمتاع بلحوم عيد الأضحى من غير مشاكل صحية

تناول اللحوم بدون مخاطر عيد من غير مشاكل صحية لحوم عيد الأضحى نصائح طبية نصائح لعيد الأضحى نصائح للتعامل مع اللحوم
دليلك الكامل للاستمتاع بلحوم عيد الأضحى من غير مشاكل صحية
بواسطة
Mohamed Talaat

كل سنة وأنتم طيبين! أيام ويهل علينا عيد الأضحى، اللي جاي السنة دي في ظروف استثنائية، وطبعًا كلنا عارفين أن العيد مرتبط بعدد من العادات الغذائية، أهمها تناول اللحوم الحمراء بأنواعها المختلفة، واللي بتعتبر الأغنام والأبقار والإبل من مصادرها الرئيسية.

ومهم نبقى عارفين أن اللحوم لها قيمة غذائية عالية، لأنها المصدر الرئيسي للبروتين، اللي بيحتاجه الجسم في عملية النمو وتجديد الخلايا والأنسجة، ده غير احتوائها على كتير من الأحماض الأمينية، وكمان هي من المصادر الغنية بالحديد والزنك والفوسفور والكالسيوم والفيتامينات.

لكن لازم ناخد بالنا.. الإسراف في تناول اللحوم عن الحد المسموح به، بيؤدي إلى ارتباك في عملية الهضم، وعلشان كده بننصحكم بتناول اللحوم بالمقدار الصحي اللي بيقدر بنحو (90 – 110 جرام في اليوم)، ومش أكتر من نصف كيلو في الأسبوع، والكمية دي قادرة إنها تمد الإنسان باحتياجاته اليومية كاملة من البروتين.

ولازم كلنا نبقى عارفين أن الإفراط في تناول كميات أكبر من اللحوم، بيتسبب بضرر على المعدة، وبيعمل مشاكل في عملية الهضم، وبيصاحب ده حدوث إسهال وانتفاخ، بالإضافة إلى ما تسببه من ارتفاع دهون الدم، لاحتوائها على نسبة عالية من الدهون المشبعة، خاصة الكوليسترول، اللي بيلعب دور كبير في حدوث الجلطات، نتيجة ترسبه على جدار الأوعية الدموية.

كمان بيؤدي الإكثار من تناول اللحوم إلى ارتفاع نسبة حمض البوليك في الدم، وده بيسبب آلام شديدة في المفاصل، وكمان بيتسبب في زيادة نسبة السكر لمرضى السكري.

تعالوا مع بعض نتعرف على نصائح الأطباء اللي هتخليكم تستمتعوا باللحوم في العيد، وفي نفس الوقت تحافظوا على صحتكم.

تناول كميات معتدلة من اللحوم الحمراء.

إزالة كل الدهون من اللحوم قبل عملية الطهي.

طهي اللحوم كويس قبل تناولها، ويفضل عدم تناول اللحوم محمرة، وننصح بسلقها في الماء.

الإقلال من تناول اللحوم المشوية، واختيار اللحوم قليلة الدهن للشويّ، وومهم يتم تجهيزها للشويّ في قطع وشرائح صغيرة الحجم، مع إضافة الليمون والخل ونطبخها شوية في الفرن قبل الشويّ، وعدم تقريب اللحوم من مصدر الحرارة أثناء عملية الشويّ.

مضغ اللحوم، والطعام عمومًا، كويس أثناء الأكل.

الإقلال قدر الإمكان من تناول الكبد والكلاوي، لاحتوائها على بعض السموم الفطرية.

الإكثار من تناول فيتامينات (A وC) في أيام العيد، وهما بيتوفروا في التفاح والبرتقال والجوافة.

إضافة عصير الليمون إلى الشوربة، وده بعد إزالة طبقة الدهون، اللي بتعوم على سطحها.

الاهتمام بتناول الخبز الأسمر مع اللحوم، علشان بيحتوي على نسبة عالية من الرَدّة، اللي بتساعد في عملية الهضم وبتمنع حدوث الإمساك.

تناول الخضروات في كل وجبة، لإن الخضروات غنية بالألياف، اللي بتساعد في عملية هضم الدهون، ومن أهم الخضروات اللي بننصحكم بيها البقدونس، اللي بيساعد على الحد من امتصاص الدهون‏،‏ وتسهيل مرور الفضلات، والخيار والبروكولي والخس.

تناول الزبادي، لأنه يحتوى على خمائر تزيد من سرعة وسهولة الهضم.

استبدال المشروبات الغازية بمشروبات تانية، منها الشاي الأخضر والنعناع.

ممارسة الرياضة، وأبسطها رياضة المشي، ولو لمدة نصف ساعة على الأقل يوميًا.

وأخيرًا..

بنتمنى لكم عيد سعيد يا أهل القاهرة!

مقترح