The Definitive Guide to Living in the Capital , Cairo , Egypt

كتير مننا بيعاني من القلق وصعوبة النوم بشكل يومي. بنحس إننا طول اليوم عايزين ننام، وأول مانبقى على السرير النشاط يجري في دمنا. بخصوص المشكلة دي، موقع “health” المتخصص في الأخبار العلمية، نشر محموعة من النصايح والسلوكيات، اللي بتساعد على تحفيز وتسهيل عملية النوم. تعالوا نتعرف عليها:

وقف الكافيين

شرب القهوة والشاي من الأمور اللي دايمًا بنعملها بالليل. والدكتور “جون بليك”، استاذ في جامعة بوسطن الأمريكية، بينصح بالتوقف عن المشروبات اللي فيها كافيين، بما فيها المشروبات الغازية، قبل النوم بفترة كافية. ويُفضل من 2 مساءً. لأن مفعول المواد دي بيمتد لساعات طويلة.

ابعد عن الخمور

تناول الخمور بيقلل من النوم العميق، وبالتالي مش بيساعد الشخص في الحصول على نوم هاديء.

حمام سخن

بتحب تاخد حمام سخن قبل النوم علشان تنام كويس؟ خد بقى المفاجأة دي، الحمام السخن قبل النوم على طول بيصعب عملية النوم. لأن الجسم بيحتاج درجة حرارة معينة علشان تقدر تنام بسهولة. والأفضل إنك تاخد حمامك السخن قبل النوم بفترة كافية.

ارخ جسمك 10 دقائق

التأمل واليوجا بتساعد في تقليل التوتر العضلي. علسان كده 10 دقائق من التنفس العميق واليوجا في مكان هاديء، بتساعد الشخص على الاسترخاء والحصول على نوم سهل وعميق.

بلاش تملى بطنك على العشا

الأكل بكميات كبيرة قبل النوم، بيصعب عملية النوم بشكل كبير. لأن الجسم بيكون مشغول بعملية الهضم. فحاول تاكل كميات بسيطة وقليلة على العشا. ويستحسن قبل النوم على الأقل بساعة.

أكلات مساعدة

في أطعمة بتساعد على تحسين عملية النوم. لاحتوائها على كميات كبيرة من الماغنسيوم والبوتاسيوم والميلاتونين، اللي بتساعد على استرخاء العضلات. من الأطعمة دي: الكرز – الموز – الخس – السبانخ – التونة – الكرنب – دقيق الشوفان – الحليب الدافيء – الخبز المحمص.

sweet dreams