The Definitive Guide to Living in the Capital , Cairo , Egypt

خبراء التغذية في الأمم المتحدة قدموا نصايح علمية ومهمة، تخص تغذيتكم والأكلات اللي تتجنبوها الفترة دي، علشان تواجهوا فيروس “كورونا” المستجد، وخاصة أنه لحد اللحظة دي مافيش أي علاج للفيروس اللي انتشر في العالم كله، وكل الحكاية ان بيتم مقاومته عن طريق المناعة القوية، وعلشان كده في السطور الجاية هنقول لكم على 5 نصائح غذائية لتقوية المناعة، وبالتالي محاربة “كورونا”.

1-  اشربوا مياه كتير

جسم الإنسان بيتكون من 75% مياه، علشان كده بينصحكم خبراء التغذية بشرب 8 أكواب مياه أو عصائر في اليوم، وتخلوا بالكم أن القعدة في البيت مش هتخليكم تحسوا بعطش، بس لازم تشربوا مياه، علشان ترطيب الجسم، وممكن كمان تضيفوا على المياه شرائح ليمون أو برتقال، وممنوع تمامًا الصودا والمياه الغازية وأي مشروبات صناعية مسكرة.

2-  أغذية للطاقة

ودي مافيش غنى عنها لأي شخص الفترة دي، لأنها بتمد الجسم بالطاقة وكمان بتنشط المخ، وبتقاوم الأمراض، والأغذية دي هي الأرز والمكرونة والعيش، وكمان المخبوزات المصنعة من الحبوب الكاملة، والأكلات دي هتزود طاقتكم فترة كبيرة.

3-  الأغذية المساعدة على النمو

اللحوم والأسماك والبيض واللبن ومشتقاته، بيساعدوا على نمو الجسم، خاصة للأطفال، وبتعيد بناء خلايا الجسم لما تحسوا بتعب، وممكن تاكلوا منها كميات قليلة لكن مهم جدًا تاكلوها كل يوم الفترة دي.

4- أغذية الحماية

ودي زي الفاكهة والخضار الملون، اللي بيكونوا مليانين فيتامينات ومضادات أكسدة، وبتضمن عمل وظائف الجسم كويس، وكمان بتساعد على الحماية من الأمراض ومقاومتها.

5- الأغذية الممنوعة

اتجنبوا أي أكل فيه دهون وسكر وملح كتير، وكمان أي أغذية مصنعة، وخاصةإانها ملهاش فائدة غذائية وغير مهمة.