فقدان حاسة الشم مش دليل أكيد إنك مصاب.. 16 نصيحة لفهم أوسع لـ “كورونا”
التعايش مع كورونا الدكتور فهيم يونس فيروس كورونا المستجد كورونا
Mohamed Talaat
كل يوم بتظهر معلومات جديدة تخص فيروس “كورونا” المستجد، وكل يوم بنعرف حاجات جديدة بتخلينا نفهم الفيروس بشكل أوسع.. ومؤخرًا قدم لنا الدكتور فهيم يونس، وهو رئيس قسم الأمراض المعدية بجامعة ميريلاند بالولايات المتحدة، 16 نصيحة مهمة هتساعدنا على التعايش مع “كورونا” وفهمه بشكل أوسع.
١. هنعيش مع Covid19 كذا شهر جايين. خلينا ماننكرش ده أو نخاف منه، وبلاش نخلي الحياة صعبة من غير داعي ونتعلم نكون سعداء ونتعايش مع الحقيقة دي.
٢. الفيروس مش هيقلل من تأثيره في الصيف .. إحنا بالفعل في الصيف، ومع ذلك الفيروس بينتشر بسرعة.
٣. مش هيمكنك تدمير الفيروسات اللي اخترقت الخلايا عن طريق شرب كتير من الماء، ده هيخليك تروح الحمام كتير مش أكتر.. بلاش تصدق أي شائعات عن كورونا.
٤. غسل اليدين والحفاظ على مسافة ١.٨ متر هو أفضل طريقة للحماية من الفيروس. ولو ما فيش مريض Covid19 في البيت، مافيش داعي لتطهير الأسطح والأثاث في البيت.
٥. أكياس البضائع، ومضخات البنزين، وعربات التسوق و أجهزة الصراف الآلي مابتسببش العدوى. اغسل إيديك بعد استخدامهم، عيش حياتك بشكل عادي.
٦. فيروس Covid19 مابينتقلش عن طريق الغذاء. ولكن عن طريق القطرات و الرذاذ زي الأنفلونزا.
٧. دخول الساونا مابيقتلش الفيروسات اللي اخترقت الخلية.
٨. ممكن تفقد خاصية الشم مع كتير من أمراض الحساسية والالتهابات الفيروسية. ده عرض غير محدد لـ Covid19.
٩. بمجرد مانوصل للبيت، إحنا مش في حاجة لتغيير الملابس والاستحمام على وجه السرعة. الطهارة فضيلة، وليست وسواس قهري.
١٠. فيروس Covid19 مابيتعلقش في الهواء. هو عدوى بالتنقيط اللي بتتطلب الاتصال الوثيق. الهواء نظيف، يمكنك المشي حوالين الحدائق و الأماكن المفتوحة (مع الحفاظ على التباعد).
١١. الفيروس لا يميز بين العرق أو الجنس أو الدين، لكن بينتقل لجميع الناس.
١٢. كفاية استخدام الصابون العادي، ولا ينصح باستخدام الصابون المضاد للبكتيريا بالضرورة. الفيروس مش بكتيريا على أي حال.
١٣. مافيش داعي للقلق بشأن طلبات الطعام الخاصة بيك. ولكن لو كنت محتاج تطمئن أكتر، تقدر تسخنه شوية في الميكروويف.
١٤. فرصة جلب الفيروس للبيت مع حذائك والحصول على المرض فرصة ضعيفة جدًا جدًا، ونقدر نقول نادرة، بلاش تخاف.
١٥. مش هتكون محمي من الفيروس عن طريق شرب / أكل الخل والصودا والزنجبيل.
١٦. ارتداء القفازات هو فكرة سيئة، ممكن تتراكم الفيروسات على القفاز، وممكن بسهولة تنتقل لك لو لمست وجهك، الأفضل أنك تغسل إيديك.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
