قصة نجاح “مو صلاح” في فيلم ياباني للمخرج “سانوش آراي”
التلفزيون الياباني اليابان سانوش آراي طنطا محافظة الغربية محمد صلاح نجريجOmar Abd-elmaqsoud
لسه لحد النهارده عيون العالم على الفرعون المصري “محمد صلاح” ولسه مو صلاح قادر يبهرنا وبيبهر العالم كله بإنجازاته.
وجديد صلاح النهارده إن وفد من التلفزيون اليابانى بقيادة المخرج الياباني “سانوش آراي” زار قريته “نجريج” في محافظة الغربية، بهدف تقديم فيلم تسجيلي للعالم عن حياة “مو صلاح” ومشواره الكروي من أول ما بدأ في المقاولون في طنطا والقاهرة، وأول خطواته في الاحتراف فى الدوري السويسري والإيطالي، لحد ما بقى أسطورة الدوري الإنجليزي.
الوفد قابل أصدقاء وأهل قرية صلاح والمدربين اللي تدرب صلاح على إيديهم في نادي المقاولون في طنطا، وزاروا كمان المعهد الأزهري اللي تبرع بيه صلاح لأبناء قريته، واللي هيتم افتتاحه قريب، الزيارة هتبقى مستمرة يومين في مدينة بسيون، هيزوروا فيها مناطق ومحطات مهمة كان ليها دور في مسيرة “محمد صلاح” الرياضية.