The Definitive Guide to Living in the Capital , Cairo , Egypt

صحة ولياقة

الكرش مضايقك؟ 6 مشاريب سخنة هتدوب لك الدهون

الكرش مضايقك؟ 6 مشاريب سخنة هتدوب لك الدهون
بواسطة
Mohammed Sabry

الظاهر كده مشكلة الكرش دي من المشكلات الدائمة والمستمرة عند البشر. بس الجميل إن لها حلول برضه. فكل ما تظهر مسببات جديدة للكرش، تلاقي ظهر معاها عوامل وحلول جديدة للتخلص منه. ومنها بعض المشاريب السخنة، وبحسب مقال نشره موقع “mbc” فيه مشروبات بتساعد على إذابة الدهون والتخلص من الكرش. تعالوا نتعرف على المشاريب دي وأهميتها:

القرفة

القرفة بتعمل كمضاد للأكسدة علشان تخفض نسبة “الشوارد الحرة” في الجسم. وكمان بتحسن الهضم وتحرق الدهون.

الشاي الأسود

زي القرفة بيتميز باحتوائه على مواد مضادة للأكسدة بتحرق الدهون. ده غير إنه بيقلل الشعور بالجوع.

الليمون الساخن

بيعمل مفعول السحر في حرق الدهون، خصوصًا لما تاخد كوباية منه أول ما تصحى، أو قبل أي وجبة. وبيعمل كمطهر للجسد.

مخفوق الشيكولاتة الداكنة

تقدر تنزل وزنك عن طريق مخفوق الشيكولاتة الداكنة السخن، لما تشرب كوباية الصبح بدل الفطار، أو بالليل بدل العشا. برغم احتوائه على سعرات حرارية متوسطة، بس بيحسسك إنك مش جعان على الإطلاق.

الشاي الأخضر

غير إنه بيقلل خطر الإصابة بالسرطان، الشاي الأخضر فيه مضادات للأكسدة بتقلل الدهون. وكمان بيزود حرقها أثناء ممارسة التمارين الرياضية.

القهوة السادة

بتخفض الوزن عن طريق تحفيز توليد الحرارة في الجسم. اللي بدوره بيعزز عملية الأيض، وبالتالي الوزن بيقل.

Stay Fit.

مقترح