صحة ولياقة
للمدرسين والموظفين والطلاب.. تطعيم “كورونا” إجباري فوق 18 سنة في الجامعات والمدارس
كورونا والمدارس كورونا وطلبة المدارس لقاح كورونا في الجامعات لقاح كورونا في المدارس والجامعات لقاح كورونا للمدرسين
بواسطة
Mohamed Talaat
سواء كنت مدرس أو موظف في مدرسة أو معهد أو جامعة، فمهم تعرف إن التطعيم ضد فيروس كورونا المستجد “كوفيد-19” أصبح إجباري مش اختياري، ونفس الأمر لطلاب المدارس والمعاهد والجامعات اللي سنهم فوق 18 سنة، وده اللي أكده المتحدث باسم مجلس الوزراء نادر سعد.
“سعد” قال في اتصال هاتفي مع برنامج “الحياة اليوم” إنه شرط على الطلاب اللي بتزيد أعمارهم عن 18 سنة في المدارس والجامعات سواء حكومية أو خاصة، وكمان الموظفين غير الملقحين في قطاع التعليم، تلقي اللقاح في أقرب وقت ممكن، واللي هيتقدم لهم مجانًا.
أما بالنسبة للطلاب فهم مش محتاجين لتسجيل بياناتهم على الموقع الإلكتروني، لأنهم هيتلقوا اللقاح في المدارس والمعاهد والجامعات الخاصة بهم.
أما الطلاب اللي بتقل أعمارهم عن 18 سنة، فهم غير مؤهلين للحصول على اللقاح.
مقترح
الحياة في كايرو
موضوع مميز
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
موضوع مميز
