The Definitive Guide to Living in the Capital , Cairo , Egypt

صحة ولياقة

لو عندك أنفلونزا.. ابعد عن الأكلات دي

ارهاق اكل البان انفلونزا برد بروتين تعب دهون سخن سكريات شتا عطس فيروس لحوم مخاط مرض منديل
لو عندك أنفلونزا.. ابعد عن الأكلات دي
بواسطة
Mohammed Sabry

دور الأنفلونزا في الشتاء، هو أكتر حاجة بتخلينا مش طايقين نفسنا. بنسخن ونتعب جدًا ونبقى فاقدين التركيز في كل حاجة. علشان كده لازم ناخد الأدوية المضادة ونشرب حاجات سخنة. ومع ده، لازم كمان نبعد عن أكلات معينة، لأنها بتزود نشاط الفيروس في جسمنا. والأكلات دي حسب ما ذكرها موقع “الشروق” هي:

السكريات

أحيانًا الأنفلونزا بتسبب التهاب في الجيوب الأنفية. والسكريات بتزود الالتهابات دي. واللي بدورها بتخلي طرد المخاط أصعب.

منتجات الألبان

بتزود كثافة المخاط، وتخليه يستمر لفترة أطول. فلازم تبعد عنها. لكن ممكن تشرب اللبن أو تاكل الزبادي بس، لأنه فيهم بروتين وفيتامين د، اللي بيساعدوا الجسم على محاربة العدوى.

اللحوم

صحيح اللحوم مليانة بروتين، لكن فيها برضه دهون كتيرة، وهضمها بيكون صعب. ده بيقلل قدرة الجسم على طرد الأنفلونزا. فممكن نعوضها بالبروتينات من البيض، أو النباتات زي العدس والفاصوليا والمكسرات.

خلال فترة الإصابة بالأنفلونزا، ممكن تعرق كتير أو يحصل قيء متكرر. وده بيسبب الجفاف. علشان كده لازم تشرب كميات كبيرة من المية. وحاول تتجنب مدرات البول زي مشروبات الكافيين.

مقترح