The Definitive Guide to Living in the Capital , Cairo , Egypt

كلنا عارفين أن الرنجة والفسيخ من الأكلات الشهيرة في شم النسيم، لكن كلنا عارفين كمان أنها أكلات ممكن تكون مؤذية، وتسبب مشاكل صحية، وتقلل المناعة.

علشان كده هنقدم لكم في السطور الجاية أنواع تانية من الأسماك، اللي هي صحية أكتر وبتحتوي على الأوميجا 3 والفيتامينات المهمة اللي بتعزز صحة الجهاز المناعي للإنسان، والأسماك دي زي ما ذكرها موقع medicalnewstoday المتخصص في الصحة هي:

 

سمك السلمون:

بيعتبر سمك السلمون واحد من أفضل أنواع الأسماك الغنية بالأوميجا 3 والفيتامينات المهمة اللي بتعزز صحة الجهاز المناعي وبتقلل من خطر الإصابة بالأمراض، ومن نعمله في البيت وناكله في شم النسيم مع الخضروات الورقية زي الجرجير والخس.

المحار:

وده من المأكولات البحرية المهمة واللي بتحتوي على أوميجا 3 والزنك وفيتامين ب12 وغيرها من الفيتامينات اللي بتعزز صحة الجسم.

سمك السردين:

اللي بيحتوي على فيتامين ب ود وكتير من الفيتامينات التانية، واللي بتساعد على تعزيز صحة الجهاز المناعي، ونقدر نعمله بأكتر من طريقة في البيت.

الجمبري:

وهو من المأكولات البحرية المفضلة عند كتير من المصريين، وبيحتوي على نسبة عالية من البروتين والبوتاسيوم والأوميجا 3 وغيرها من العناصر المغذية المفيدة لصحة الجسم.

سمك التونة:

وده من أشهر أنواع الأسماك اللي بتحتوي على نسبة عالية من العناصر والفيتامينات الهامة لصحة الجسم.

كل سنة وكل المصريين بخير!