The Definitive Guide to Living in the Capital , Cairo , Egypt

صحة ولياقة

مليان فيتامينات وبيحمي من تعب الصيام.. ليه لازم تاكل زبادي في السحور؟

الزبادي السحور الصحي رمضان كريم فوائد الزبادي على السحور
مليان فيتامينات وبيحمي من تعب الصيام.. ليه لازم تاكل زبادي في السحور؟
بواسطة
Mohamed Talaat

الزبادي من الأكلات الصحية والمهمة، واللي لازم تكون على مائدة السحور في رمضان، وده لأنه بيحتوي على نسبة عالية من الفيتامينات والعناصر الغذائية اللي بتفيد الجسم وبترطبه، وبتحميه من الأمراض والعدوى.

وفي السطور الجاية هنقولكم على 9 أسباب علمية هتعرفكم ليه الزبادي لازم يكون من الأكلات الرئيسية على سحور رمضان.

1: بحسب موقع “healthline” المتخصص في الصحة، بيحتوي الزبادي على كمية عالية من الفيتامينات والعناصر الغذائية اللي بتعزز صحة الجهاز الهضمي وبتحميه من الالتهابات والحموضة.

2: بيعتبر الزبادي من الأكلات اللي بينصحنا بيها أطباء التغذية لإنقاص الوزن والتخلص من الدهون الزائدة في الجسم.

3: بيحتوي الزبادي على نسبة عالية من الفيتامينات اللي بتعزز صحة الجسم وبتحميه من خطر الإصابة بالأمراض السرطانية المختلفة.

4: تناول الزبادي بشكل يومي على السحور بيقلل من خطر ارتفاع نسبة الكولسترول في الدم والوقاية من أمراض القلب والأوعية الدموية.

5: الزبادي بيحافظ على ضبط مستوى ضغط الدم والوقاية من تصلب الشرايين والمخاطر الصحية اللي ممكن تصيب القلب والرئتين.

6: بيعتبر الزبادي من الأكلات السهلة في الهضم، وبيحفز المعدة على إنتاج الإفرازت الهضمية اللي بتساعد على الهضم.

7: بيحتوي الزبادي على نسبة كبيرة من المواد المضادة للأكسدة والفيتامينات اللي بتعزز صحة الجهاز المناعي وبتحميه من الفيروسات والعدوى.

8: تناول الزبادي بانتظام بيحمي البشرة من الشيخوخة والتجاعيد.

9: الزبادي بيقوي العضلات والمفاصل وبيقلل من خطر الإصابة بهشاشة العظام والتهابات المفاصل.

وبالإضافة للـ 9 فوائد اللي فاتت، الزبادي بيمد كمان الجسم بالنشاط والطاقة، وبيحميه من الضعف أثناء فترة الصيام، وبيحافظ على صحة الأسنان واللثة، وبيحمي البشرة من الجفاف، ده غير أنه بيطرد السموم والجراثيم من الجسم.

مقترح