The Definitive Guide to Living in the Capital , Cairo , Egypt

الروماتويد هو واحد من أنواع التهابات الروماتيزم المزمنة، اللي بتصيب الشخص بهجومها على مفاصل الجسم، ومنها إلى الرئتين وأوعية القلب والكلى وأجهزة الجسم المختلفة، وبيتسبب الروماتويد في تضخم وتشوهات شكل المفاصل، وصعوبة تحريكها، والمرض ده من الأمراض الشائعة جدًا، واللي بتصيب 1% سنويًا من عدد سكان العالم، وبتصيب الإناث أكثر من الذكور، وكل 3 إصابات من السيدات بيكون قصادهم إصابة واحدة لرجل، ولكن مع الوقت وتقدم الطب أصبح السيطرة على أمراض الروماتيد ممكنة، خاصة مع اكتشافه في مرحلة مبكرة.

فريق كايرو 360 قابل مؤخرًا الدكتورة أنا نشأت أستاذ ورئيس قسم أمراض الروماتيزم بجامعة الإسكندرية، وطلبنا منها تقول لنا 5 نصائح مهمة لمرضى الروماتويد.

1- لعب الرياضة الخفيفة زي المشي والسباحة أو أي حركة.

2- الأكل الصحي من أساسيات السيطرة على المرض مع برنامج العلاج.

3- ممنوع التدخين تمامًا لمرضى الروماتويد لأنه التدخين مع مرض الروماتويد زي “النار جنب البنزين”.

4- أخذ العلاج بانتظام طبقًا للبرنامج الطبي.

5- الروماتويد من الأمراض اللي ممنوع فيها الزعل والتوتر، ولازم المريض يبعد عن أي حاجة ممكن تضايقه، لأن الأمور دي ممكن تكون عامل مساعد في قابلية الجسم لهجمات الروماتويد.

ألف سلامة يا أهل القاهرة!