The Definitive Guide to Living in the Capital , Cairo , Egypt

المنظومة الجديدة للتأمين الصحى الشامل في مصر، عاملة دور مهم جدًا مؤخرًا في مواجهة فيروس “كورونا” المستجد، من خلال متابعة المواطنين أون لاين، للكشف عن فيروس “كورونا” ومتابعة الحالات المشكوك فيها، وده من خلال استمارة بيانات متاحة أونلاين، كل اللي مطلوب منها إنك تملاها إلكترونيًا، وبعد كده بيتم فرزها من قبل أخصائيين متخصصين، بهدف إجراء التدابير الاحترازية والوقائية لمواجهة انتشار الفيروس، وبدء التطبيق الفعلي للتجربة دي في محافظة بورسعيد، وهيتم تعميمها في باقي المحافظات خلال ساعات قليلة.

وبناءًا على الأعراض اللي عندكم بيتم التواصل معاكم، وتقدروا تشاركوا من خلال استمارة الكشف من هنا، مش بس كده كمان المنظومة وضحت عن مجموعة من الأكلات المهمة اللي بتساعد على مقاومة فيروس “كورونا”، وهي أكلات بتساعد في تقوية المناعة، ونصحت المنظومة بأنكم تاكلوا الأكلات دي يوميًا لأنها هتمنع الإصابة بالفيروسات.

والأكلات دي هي: “الثوم – الجنزبيل – السبانخ – الكركم – اللوز – الزبادى – البروكلى – المحاريات – الفواكه الحامضية”.