The Definitive Guide to Living in the Capital , Cairo , Egypt

الصورة من وكالة رويترز

لما تكون بتلعب كرة في نادي كبير وعريق، ويكون أصدقائك عبارة عن مجموعة من أمهر وأشهر لعيبة كرة القدم في العالم، والأهم من ده كله إنك نجم ومختلف ومحقق إنجازات كبيرة للنادي، تتوقع هدية عيد ميلادك في الوقت ده تبقى عاملة ازاي؟؟

هوه ده بالضبط اللي عمله نادي ليفربول الإنجليزي لما قرر إنه يفاجئ نجمه المصري “محمد صلاح” في عيد ميلاده يوم 15 اللي فات، واللي صادف إنه كان في مصر بيستعد للمشاركة مع المنتخب في كأس الأمم الأفريقية، فقرر النادي إنه يبعت هدية لصلاح عن طريق طرد جوي.

طبعًا العالم كله، وخصوصًا إحنا كمصريين اتفاجئنا بالموضوع، وكنا منتظرين نعرف إيه الهدية؟ وكانت المفاجأة اللي أعلن عنها النهارده إن الهدية عبارة عن تشكيلة كبيرة من الحلويات الفاخرة، والحقيقة هي كانت هدية لمناسبتين مش مناسبة واحدة، المناسبة الأولى كانت عيد ميلاده، والتانية كانت نجاح صلاح في قيادة ليفربول للتتويج بدوري أبطال أوروبا خلال الموسم اللي فات، بعد ماتش أسطوري مع توتنهام في النهائي، فاز فيه ليفربول بهدفين.

القصة بدأت لما مندوب من الاتحاد المصري لكرة القدم استلم إمبارح الاثنين، طرد باسم محمد صلاح، وجاي من نادي ليفربول الإنجليزي. وده كان بعد احتفالات ليفربول والاتحاد الدولي لكرة القدم السبت اللي فات بعيد ميلاد صلاح.

احتفالات ليفربول بـ “صلاح” كانت بدأت بتغريدة على “تويتر” بصورة لـ “صلاح”  وعليها تعليق: “عيد ميلاد سعيد” وبعدين طلبوا من معجبيه ومحبيه إنهم يسيبوا تهانيهم وتمنياتهم له في التعليقات.