The Definitive Guide to Living in the Capital , Cairo , Egypt

صحة ولياقة

10 فوائد غير العضلات تخليك لازم تروح الجيم على طول

10 فوائد غير العضلات تخليك لازم تروح الجيم على طول
بواسطة
Mohammed Sabry

لسنين طويلة كانت فكرتنا عن الجيم، إنه مكان مخصص بس للناس اللي عايزة تعمل فورمة الساحل. أو إنه المكان اللي دايمًا فيه بتتعب وتبذل مجهود، ومعاهم تسمع كلمة “عااااااش”. لكن في الحقيقة ممارسة الرياضة في الجيم لها فوائد تانية كتيرة، مهمة لجسمك وحالتك النفسية. وهنتعرف عليهم في السطور اللي جاية:

1- التحكم في الوزن

طبعًا دي أكتر حاجة معروفة. وهي إنك بمجرد ما تتمرن أو تعمل نشاط جسماني، بتحرق سعرات حرارية كتيرة. وكل ما زاد التمرين كل ما زاد الحرق. وده بيساعد على وقف الزياد المفرطة في الوزن والتحكم فيها.

2- التمرين مفيد جدًا لصحتك

التمرين بيظبط الكولسترول، ويقلل الدهون الثلاثية. اللي بتخفض ضغط الدم وتسبب مشاكل الأوعية الدموية. في الحقيقة التمرين باستمرار بيحد من مخاطر أمراض كتيرة زي: السكتات الدماغية – السكري – أنواع من السرطان.. وغيرهم.

3- تقليل الضغط والقلق

لو عايز تخلص من التوتر، يبقى التمرين هو مفتاح الحل. النشاط الجسدي بيحفز مواد كيميائية مختلفة في المخ، بتخليك تحس إنك أسعد، ومرتاح أكتر. وبتمحي أي قلق نفسي أنت حاسس به.

4- شوية فرح وضحك

هتحس إنك فرحان ومبسوط بعد كل تمرينة، وده بسبب هرمون الإندروفين اللي بيطلقه جسمك. وبيحسسك بسعادة وانطلاق بشكل واضح. وعلشان تبقى عارف في بعض حالات الاكتئاب، الدكاترة بيرشحوا التمرينات للمرضى، بدل الأدوية.

5- تعزيز الثقة بالنفس

مش بس هتكون في شكل كويس، أنت كمان هيكون عندك شعور أحسن عن نفسك. وبالتالي ثقتك في نفسك هتزيد.

6- زيادة نشاط المخ

التمارين زي ما بتقوي القلب والأوعية الدموية، بيكون لها تأثير إيجابي على نشاط المخ. وبتخلي قدراته أعلى في التفكير واتخاذ القرارت. وبتقوي كمان الجزء الخاص بالذاكرة والتعلم. ودي حاجة مفيدة خصوصًا للأطفال اللي بتمارس رياضة.

7- نوم أفضل

لو بتواجه مشاكل في النوم، غالبًا هتلاقي إن التمرين بشكل مستمر بيساعدك تنام في وقت أقل، ومن غير أرق. وبالتالي بصحى فايق وكلك نشاط.

8- طاقة أكبر

التمرين بيوصل الأوكسجين  والعناصر الغذائية لكل أنسجة الجسم. وبيساعد الأوعية الدموية إنها تشتغل بكفائة أكبر. وده بيساعد القلب والرئتين يبقوا أحسن. واللي بدوره بيخلي نشاطك وطاقتك أكبر بكتير.

9- السيطرة على الإدمان

مشكلة الإدمان الأساسية هي هرمون “الدوبامين”، أو هرمون السعادة. وده هرمون بيفرزه المخ كاستجابة لأي نوع من أنواع المتعة زي المخدرات، أو الكحول، أو الأكل كمان. التمرين في الجيم بيلهي المدمن، ويخليه يقلل من احتياجه الشديد للمخدرات. وبالتالي يقدر – ولو لفترة قليلة – يبعد الشخص عن الإدمان.

10- حياة جنسية أفضل

التمرين مش بس بيخليك في أحسن شكل كجسم، ده بيحسن كمان القدرة الجنسية. وبيقلل أي مشاكل بيقابلها الرجالة أو الستات في العلاقة الجنسية.

يا ترى هتبدأوا تروحوا الجيم من إمتى؟

المعلومات العلمية في المقال من موقع “emporiumgym”

مقترح