4 طرق صحية تساعدك على إنقاص وزنك
Mohammed Sabry
في الوقت اللي الناس بتصرف فلوس كتيرة على وسائل إنقاص الوزن، كتير من المتخصصين بينصحوا بطرق طبيعية وبديلة، تساعد على خسارة الوزن بشكل صحي وسليم. وإحنا في المقال ده جبنا لكم 4 طرق مهمة، تساعدك على إنقاص الوزن. حسب ما نشرها موقع “سكاي نيوز عربي”. وهم:
1- خل التفاح
يعتبر من المكونات الطبيعية، اللي بتخلص الجسم من السموم. بيسهل عملية الهضم، وبيساعد في تقليل الشهية للأكل. بيتم خلطه بالماء لتخفيفه وتسهيل شربه.
2- الماء الساخن والليمون
ناس كتير بتحب تشرب الماء بالليمون على الريق بسبب فوائده الكتيرة. ده لأنه بيساعد على تحسين وظائف الجهاز الهضمي. وزيادة فعالية عمليتي الأيض وحرق والدهون. وبيدي إحساس بالشبع.
3- منقوع الزعتر
بيطرد الغازات وبيمنع التخمرات في المعدة. وبيساعد على الهضم وامتصاص المواد الغذائية. كمان بينضف المعدة والأمعاء من الفطريات.
4- زيت جوز الهند
بيسهل عملية حرق الدهون، اللي بالتالي بتقلل الوزن. بيزود سرعة وكفاءة معدلات استهلاك الطاقة في الجسم. وده بيعزز عمليات الأيض المختلفة. وكمان بيقلل الشعور بالجوع.