Cairo 360
ناس كتير بتعاني من مشكلة الأرق. ومع قلة النوم، بيكونوا دايمًا تعبانين وفاقدين التركيز، وده بالتالي بيأثر على حياتهم وشغلهم عمومًا بشكل سلبي، وعلشان تتجنب الأرق، دي 4 نصائح نشرها موقع “الشروق” هتساعدك على ده:
1- حاول تهدي أفكارك
غير تركيزك لحاجة بعيدة عن مخاوفك، أو أي حاجة بتقلقك. لأن التفكير فيها قبل النوم هيخليك تتقبلها كأمر واقع، وتفقد القدرة على النوم. علشان كدة صفي ذهنك خالص قبل ما تنام.
2- جرب علاج الأعشاب
بعض الأعشاب أثبتت فعالية في تحسين النوم. زي نبات الناردين، اللي بيزود فرصة النوم مقارنة بأدوية تانية. وبيقال إن جذور الناردين بتحتوي على مركبات بتقلل القلق، وتحفز النعاس.
3- شجع نفسك على النوم
الجيش الأمريكي لجأ لطريقة تساعد جنوده على النوم خلال دقيقتين. وخطواتها كالتالي:
– حاول ترخي عضلات وشك ولسانك وفكك. وكمان العضلات المحيطة بالعين.
– اتنفس بعمق، وارخي صدرك ورجليك.
– ردد “ماتفكرش” لمدة 10 ثوان. علشان تشيل الأفكار من دماغك.
– الطريقة دي أثبتت نجاحها عند 96% من الناس، بعد ممارستها لمدة 6 أسابيع.
4- قلل استخدام الموبايل
الموبايل زي ما هو مفيد، لكن في نفس الوقت كتر استخدامه بيسبب قلق وتوتر. حاول على قد ما تقدر تقلل استخدامه. وخاصة قبل النوم مباشرة. ده هيساعدك أكتر تنام بسهولة.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
