The Definitive Guide to Living in the Capital , Cairo , Egypt

بعد دخول التكنولوجيا في حياتنا بشكل واضح، بقى ممارسة العادات الصحية في حياتنا اليومية موضوع شاغل تفكيرنا، وتطبيق العادات دي بقى محتاج مننا مجهود أكبر، ووقت أطول، ومن النقطة دي تحديدًا انطلق صناع التكنولوجيا علشان يبتكروا أساليب تكنولوجية جديدة وعصرية، تجمع بين الصحة واللياقة، وبين التكنولوجيا والتطور ومجاراة العصر، وفي نفس الوقت في وقت أقصر ومجهود أقل.

بدأ صناع التكنولوجيا بشكل سريع في دراسة أهم العادات الصحية اللي بيهتم بيها الرجالة والستات واللي كان أهمها “اللياقة البدنية” وشغف الحصول على جسم رشيق، وبما إن تلفوناتنا بقت جزء لا يتجزأ من شخصياتنا، ظهرت مؤخرًا برامج وتطبيقات بمساعدة بسيطة من تلفونك تساعدك على التخلص من الدهون، وتحافظ على لياقتك البدنية، تعالوا نتعرف على التطبيقات دي:

1- Google Fit:

يعتبر من أفضل تطبيقات اللياقة البدنية المجانية لنظام الأندرويد، وهيخليك تتابع لياقتك باستخدام نظام نقط القلب، ومتابعة دقائق الحركة، بالإضافة لإمكانية متابعة تمريناتك، وتنبيهات لما يكون في نشاط من الأنشطة اللي بتعملها دايمًا مش دقيق.

 ممكن تحملوا البرنامج لنظام الأندرويد من هنا.

 ولنظام الـ IOS من Apple  من هنا.

2- Runtastic:

ميزة تطبيق “Runtastic ” إنه فيه تذكير لشرب الماء، وكمان فيه وصفات لأكلات صحية، وتمارين رياضية فردية ممكن تعملها لوحدك وبدون أي تكاليف، زي الضغط وركوب العجل، ده غير إن التطبيق فيه ميزة “دورة النوم” اللي بيساعدك على إنك تاخد أكبر قدر ممكن من الراحة والنوم السليم.

 ممكن تحملزا البتطبيق من جوجل بلاي لنظام الأندرويد من هنا.

ولنظام الـ IOS من Apple  من هنا.

3- Nike Run Club:

التطبيق ده جديد، وعلشان كده فيه مميزات مجانية كتيرة، تخليه منافس قوي لتطبيقات اللياقة التانية، ومن أهم الحاجات اللي موجودة في التطبيق ده إنه ممكن تشغل ميزة الجرى مع مؤقت وخريطة كمان، وده علشان تعرف جريت مسافة قد إيه؟ وممكن كمان تاخد صورة لنفسك وات بتجري، بالإضافة كمان لقايمة بالنواداي الرياضية المتوفرة في منطقتك أو في محيطك.

 ممكن تستمتعوا بالتطبيق على تلفوناتكم لو كانت بنظام الأندرويد من Google Play من هنا.

أما تلفونات الـ I phone فممكن تلاقوه على الـ App Store من هنا.

4- You Are Your Own Gym:

يعتبر التطبيق ده جيم متكامل على تلفونك، لإنه فيه مجموعة واسعة وكبيرة من التمارين الرياضية اللي ممكن وبكل سهولة تعملها في البيت، كمان فيه تمارين مناسبة للصالات الرياضية لو بتروح الجيم، مشكلة التطبيق ده الوحيدة إنه مش متوفر بشكل مجاني، وسعره تقريبًا 5 دولار.

 لتحميل التطبيق لنظام الاندرويد من هنا.

ولنظام الـ IOS  من هنا.

5 – Strava:

فيه مميزات كتيرة، منها إنه بيراقب لياقتك البدنية، وبيحطلك خطة محددة تمشي عليها، لكن بيركز أكثر وبشكل أساسي على الجري، أكثر من أي حاجة تانية.

علشان تستمتع بالتطبيق على تلفونك الأندرويد، دوس هنا. 

ولو تلفونك Apple هتلاقي التطبيق متاح على الـ App Store من هنا.