The Definitive Guide to Living in the Capital , Cairo , Egypt

القهوة واحدة من المشروبات اللي بتعمل راحة نفسية لأي حد بيشربها. هي الونَس وقت ما تكون زعلان أو فرحان أو مكتئب، أو في أي حالة. مش بس كده، دي كمان لها فوائد صحية كتيرة، خلينا نشوف إيه هي الفوائد دي:

1- بتحسِن الأداء خلال ممارسة الرياضة

من هنا ورايح مش هتحتاج مكملات غذائية تاني، طالما شربت فنجان قهوة قبل التمرين. الكافيين بيساعد على زيادة حرق الدهون. وبيسمح للعضلات بالنمو وامتصاص الطاقة.

2- بتقلل فرص الإصابة بمرض السكري

الناس اللي بتشرب أكثر من 4 فناجين قهوة في اليوم، بتقل فرصة إصابتهم بالسكري بنسبة 50% عن غيرهم.

3- بتزود إنتاج الناقلات العصبية في الدماغ

القهوة بتحفز إنتاج (السيروتونين والدوبامين والنورادرينالين). اللي بيساعدوا على ضبط المزاج، والنشاط الإدراكي للمخ.

4- بتقلل فرصة الإصابة بسرطان الجلد

الستات اللي بتشرب أكثر من 3 فناجين قهوة في اليوم، بتقل فرصة إصابتهم بسرطان الجلد، عن غيرهم اللي مش بيشربوا قهوة.

5- الوصول لقرارات أكثر كفاءة وذكاء

القهوة مش بس هتنشطك، دي كمان هتزود قدرات مخك. وده بيساعد في اتخاذ قرارات سليمة وذكية.  القهوة برضه بتساعد على بقاء المخ في حالة صحية، وبتقلل خطر الإصابة بمرض ألزهايمر.

6- بتخفف حدة التوتر.. من رائحتها بس

لو حاسس بالتوتر علشان قلة النوم مثلًا، رائحة حبوب القهوة الصبح هتساعدك في التخلص من التوتر ده. ولو احتفظت بشوية حبوب منها جنب سريرك، هتقدر تقوم من النوم الصبح بكل نشاط.

7- بتزود الإحساس بالسعادة

 

الناس اللي بتشرب قهوة عمومًا، أقل 10% للإصابة بالإحباط، من الناس اللي مش بتشربها. القهوة هتخليك تحس بحالة أحسن، لأنها بتحتوي على المواد المضادة للأكسدة. والجسم بيمتصها من القهوة أكتر من الفواكه. وده بيساعد الجسم على مقاومة الأمراض.

يا ترى بتشربوا كام فنجان قهوة في اليوم؟

 

مصدر المعلومات في المقال من موقع دوت مصر الإخباري.