The Definitive Guide to Living in the Capital , Cairo , Egypt

صحة ولياقة

7 نصائح مهمة للصايمين للتغلب على الحر

الحر الخضراوات الرياضة الشمس الفواكه
7 نصائح مهمة للصايمين للتغلب على الحر
بواسطة
Omar Abd-elmaqsoud

يمكن موجة الحر الشديدة اليومين دول، واللي بدأت النهارده وهتستمر ليومين أو تلاتة كمان، وفي نص شهر رمضان ومع الصيام كمان محصلتش قبل كده عندنا في مصر، ويمكن إن شاء الله ما تحصلش تاني، لكن بما إنها حصلت، وبما إننا صايمين، فتعالوا نشوف إيه أفضل النصايح اللي نقدر نحافظ بيها على رطوبة أجسامنا وطاقتنا، ونبعد عن إرهاق الصيام، خاصةً الناس اللي بتبقى مضطرة تنزل من بيتها لساعات شغل طويلة، ووارد إنها تتعرض للشمس بشكل مباشر، أو اللي عندهم مشاكل صحية:

مبدئيًا لازم تواظب على شرب الماء والسوائل الباردة بشكل عام بين الفطار والسحور، لإن ده بيساعد على تخفيض حرارة الجسم وتسهيل عملية تبريده.

حاول على قد ما تقدر تاكل خضراوات فيها نسبة الماء عالية زي الخيار، الخس، الكرفس، وده سواء على السحور أو الفطار.

بلاش أكلات دسمة في موجة الحر، لإن هضم الدهون هيستنزف كمية كبيرة من الماء في جسمك، وده طبعًا هيحسسك بالعطش.

اتجنب ممارسة الرياضة في النهار، لأن الرياضة هتخليك تفقد كمية كبيرة من السوائل والمعادن، لذلك لو مهم تلعب رياضة، خليها دايمًا قبل الفطار بنص ساعة أو أقل، علشان تقدر تعوض السوائل اللي هيفقدها جسمك في أسرع وقت.

لو تقدر تستحمى بماء ساقع أكتر من مرة اعمل كده، لإن الاستحمام هيخليك تنتعش في الحر.

حاول تقلل أكل السكريات قبل السحور على قد ما تقدر، وكتر من الفاكهة والخضروات.

اتجنب التعرض المباشر والطويل لأشعة الشمس، بالذات وقت الظهر.

مقترح