Mohammed Sabry
الفيتامينات مهمة جدًا لجسم الإنسان، ولها فوائد كتيرة، منها إنها بتحول العناصر الغذائية للطاقة اللي بيحتاجها الجسم، وبتساعد في عملية الأيض والتمثيل الغذائي، كمان بتساعد في تكوين الكولاجين الضروري لتقوية العظام، ده غير طبعًا تقوية جهاز المناعة.
كمان لازم نعرف إن فيتامين B9 مهم للسيدات في فترة الحمل والرضاعة.
ولما الفيتامينات دي بتقل، الجسم بيدي إشارات وعلامات معينة علشان ينبهنا بيها. تعالوا نتعرف عليها:
1- ظهور قشرة الشعر
ظهور القشرة وزيادتها بشكل ملحوظ، بيشير لنقص الأحماض الدهنية أوميجا 3، اللي بترطب الجسم. وعلشان كده لازم في الحالة دي ناكل الجوز وبذور عباد الشمس.
2- رقة وهشاشة الشعر
ده بيدل على نقص حمض الفوليك في الجسم. وبنعوضه بأكل الأرز لأنه مصدره المثالي.
3- الشعر الأبيض
ظهور الشعر الأبيض دليل على نقص النحاس في الجسم. وهو المسؤول عن إنتاج صبغة الميلانين، اللي بتدي للشعر لونه الطبيعي. النحاس موجود بشكل كبير في الفطر والمحار.
4- التشققات والتقرحات على الشفايف
وده بيكون بسبب نقص فيتامين B12، الموجود في البيض واللحوم البيضاء والحمراء.
5- الجلد الخشن
ده بيشير لنقص عنصر الزنك وفيتامين A. وعلشان كده لازم ناكل الدجاج واليقطين.
6- بقع بيضاء على الأظافر
بسبب نقص حمض المعدة. وده بيمنع الجسم من امتصاص الفيتامينات والعناصر الغذائية بالدرجة اللازمة. وممكن يسببه تناول أدوية مضادة للحموضة.
7- بقع زرقاء على الجسم (كدمات)
لو ماكانتش بسبب رضوض أو إصابات، فده معناه نقص فيتامين C. وعلشان كده لازم ناكل الحمضيات والفراولة والبروكلي والمانجو.
8- التعب المزمن
بيسببه نقص فيتامين D اللي بينتجه الجسم عند التعرض لأشعة الشمس. وممكن الحصول عليه من الألبان وبعض أنواع السمك والفطر.
9- تشنجات متكررة في عضلة الساق
بيكون بسبب نقص المغنيسيوم أو الكالسيوم. ودول موجودين في الألبان والألياف الغذائية والبقوليات والتفاح.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
