The Definitive Guide to Living in the Capital , Cairo , Egypt

عشاق أفلام المهرجانات على موعد مع حدث مهم هتستضيفه القاهرة، وهو أسبوع الأفلام اللي بينظمه معهد جوتة بالقاهرة.. في الموضوع ده هنعرفكم أكتر على الحدث ده من خلال 5 معلومات فيهم الخلاصة.

1 – أسبوع الأفلام هو حدث ثقافي بيقيمه معهد جوتة بشكل سنوي سواء في فرعه بالقاهرة أو الإسكندرية، لكن في 2020 تم وقف الأسبوع بسبب جائحة فيروس “كورونا” المستجد، لكن الأسبوع راجع السنة دي، وهيكون في الفترة من ٢٥ يونيو وحتى ٢ يوليو ٢٠٢١.

2 – هنتفرج في الأسبوع على باقة مختارة من الأفلام الألمانية الحديثة بالإضافة إلى بعض الأفلام العربية والعروض الخاصة والعروض الأولى لأفلام حديثة الإنتاج بتتنوع ما بين الروائية الطويلة والوثائقية والتجريبية اللي تم عرضها في كتير من المهرجانات الدولية سواء السنة دي أو السنة اللي فاتت.

3 – هيستقبل معهد جوتة في القاهرة والإسكندرية عن طريق التسجيل أعداد محدودة من الجمهور مراعاةً للإجراءات الاحترازية، لكن الجميل أن أغلب الأفلام هتكون متاحة على منصة جوتة، خلال أسبوع الأفلام بصورة مجانية للجمهور.

4 – هيشمل أسبوع الأفلام يوم كامل تم تخصيصه لعرض أفلام ألمانية كلاسيكية تم ترميمها ورقمنتها علشان يتمكن الجمهور من مشاهدتها.

 5 – هيتيح أسبوع الأفلام فرصة مناقشة عن بعد (أونلاين) للأفلام مع بعض صُنّاعها.

وأخيرًا..

عنوان معهد جوتة بالقاهرة: 17 حسين واصف، الدقي.

التليفون: 0233347800