The Definitive Guide to Living in the Capital , Cairo , Egypt

أكد الممثل إياد نصار إنه هيشارك فى فيلم “الممر” مع الممثل أحمد عز، وبيقول إنه متحمس جدًا للمشاركة في الفيلم بسبب أن مخرجه هو شريف عرفة.

إياد هيجسد من خلال الفيلم دور جديد عليه، وهو ضابط إسرائيلى بيدخل في صراعات كتير مع بطل الفيلم أحمد عز اللي بيقدم دور قائد في الجيش المصري.

بيقول إياد نصار لكايرو 360 إنه حاليًا متواجد في القاهرة، لكن احتمال ينتقل للسويس الفترة الجاية علشان تصوير مشاهد من الفيلم، وبيضيف أنه بيعتبر الحياة في القاهرة صعبة جدًا لكن ما حدش يقدر يبعد عنها، “طبيعي إن القاهرة تجنن أي حد، لكن رغم زحمتها الشديدة الحياة فيها حلوة”.

هيشارك في فيلم “الممر” أحمد رزق، هند صبرى، محمد الشرنوبى، محمد فراج، أسماء أبو اليزيد، ونجوم تانية، سيناريو وحوار أمير طعيمة وشريف عرفة، إخراج شريف عرفة.

كمان إياد نصار بيقول إنه هيشارك فى عمل درامى خلال موسم رمضان المقبل الجاي، بعد غيابه السنة دي عن أي عمل. لكنه لسة ما اخترش المسلسل اللي يشارك فيه من بين أكتر من سيناريو معروض عليه.

إياد نصار بيعرض له حاليًا فيلم “تراب الماس” فى السينمات، وهو من تأليف الكاتب أحمد مراد، وبيحكي عن شاب شغال مندوب دعاية طبية فى شركة للأدوية.