“اتنفس”.. نجوم مصر في مهمة إنسانية لتوفير أجهزة تنفس صناعي
أجهزة تنفس بنك الشفاء المصري تبرع حملة اتنفس كورونا نجوم مصر يسرا
Mohamed Talaat
بعد الأزمة العالمية اللي سببها فيروس “كورونا” المستجد، واللي صنفته منظمة الصحة العالمية كوباء، أطلق مجموعة من الفنانين المصريين، عبر حسابتهم على مواقع التواصل الاجتماعي، حملة “اتنفس”، واللي هدفها توفير أجهزة تنفس صناعي لمواجة انتشار المرض والمساعدة على علاج الحالات اللي ممكن تصاب بالفيروس.
الفنانة يسرا كانت من أهم الداعمين للحملة اللي بينظمها “بنك الشفاء المصري”، ونشرت فيديو على حسابها بموقع إنستجرام ظهرت فيه مع عدد من الفنانين المتضامنين مع الحملة وكان منهم “هشام عباس، مي عمر، كندة علوش، عمرو يوسف، مها أبو عوف، نور، تارا عماد، أبو ” وغيرهم.
يسرا طالبت من خلال الفيديو بإننا نتكاتف ونستعد لمواجهة الأزمة البشرية بأهم سلاح اللي هو أجهزة التنفس الصناعي، اللي بتعاني مصر من نقص فيها.
الحملة نجحت لحد النهارده في توفير 12 جهاز تنفس صناعي، وبتسعى لتوفير 188 جهاز تاني علشان يبقى الإجمالي 200 جهاز، هيتم تخصيصهم لدعم مستشفيات العزل الصحي.
ممكن تعرفوا أكتر عن الحملة وطريقة استقبال التبرعات من خلال صفحة بنك الشفاء المصري على الفيسبوك من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
