The Definitive Guide to Living in the Capital , Cairo , Egypt

فن وثقافة

البداية مع عرض هاملت… استعدوا لمهرجان القاهرة للمسرح المعاصر والتجريبي

أوديب الأوبرا القاهرة الهناجر عروض مسرح مسرح مهرجان القاهرة للمسرح المعاصر والتجريبي هاملت
البداية مع عرض هاملت… استعدوا لمهرجان القاهرة للمسرح المعاصر والتجريبي
بواسطة
Cairo 360

كل عشاق المسرح على ميعاد مع حدث مهم في القاهرة.. بنتكلم عن الدورة الخامسة والعشرين لمهرجان القاهرة الدولي للمسرح المعاصر والتجريبي، اللي بتتم بالتعاون مع صندوق التنمية الثقافية.

والنهارده هتبدأ الأنشطة في سينما الهناجر، بمجموعة ندوات عن عروض المهرجان في سنواته اللي فاتت.

ندوات المهرجان هتقام طول شهر أغسطس، وبالتحديد أيام الأحد والأربعاء من كل أسبوع، وعلى مدار ثلاث أسابيع، وهيديرها الدكتور محمد أمين عبد الصمد، وبتدور كل ندوة عن عرض من عروض المهرجان.

والنهارده الأحد، 5 أغسطس، البداية هتكون مع عرض “هاملت”، إنتاج بريطاني، وهتتكلم في الندوة بعد العرض الدكتورة هايدي بيومي.

وفي يوم 8 أغسطس هتعرض مسرحية “فويستك”، إنتاج إسباني، وهتتكلم في الندوة الدكتورة مها عبد الرازق.

أما يوم 12 أغسطس هنستمتع بعرض “أسرع”، إنتاج أمريكي، وهيتكلم في الندوة الدكتور محمد سمير الخطيب.

كمان يوم 15 أغسطس، هيتم عرض مسرحية “صيني”، وهيتكلم بعدها في الندوة الدكتور مصطفي سليم.

وأخيرًا في يوم 19 أغسطس، هنتفرج على عرض “أوديب” المسرحي”.

مقترح