“القلب اللي طاير”.. عن سعادتنا برجوع شيريهان للشاشة (فيديو)
إعلان شريهان شريهان عودة شريهان
Cairo 360
نقلًا عن موقع كلام القاهرة
فجأة وبدون مقدمات، طلت علينا الفنانة الإستعراضية “شريهان” في إعلان جديد لصالح شركة فودافون، وطبعًا عملت بهجة وفرحة في قلوبنا ماحدش كان يتخيلها، واتصدر اسمها مواقع التواصل الاجتماعي ومحركات البحث لساعات طويلة.
“ده إحنا القلب اللي طاير متشعبط في الحياة، مهما نلف في دواير زي الريشة في هوا، راجعين أقوى و طايرين وعلى مين على مين على مين؟”، بعد 27 سنة غياب، دي كانت أول كلمات تغنيها شيريهان لجمهورها، وكأنها بتبعت لهم رسالة حب وتشجيع وحماس على تخطي مشاكل الحياة.
بروحها الحلوة وضحكتها الجذابة، جسدت شريهان قصة حياتها ومعاناتها في الحياة، زي الحادثة اللي اتعرضت لها وهي راجعة من الإسكندرية، واتسبب في كسور في ضهرها، لحد ما قدرت ترجع وتقف على رجليها تاني، كل ده في 4 دقايق بس ، والصراحة كانوا أجمل 4 دقايق شوفناهم من وقت طويل، حركات إستعراضية وفساتين مبهجة وخفة كانت واحشانا من سنين.
وعلشان شريهان نجمة مش عادية، ظهورها كمان ماكنش عادي، واتحولت السوشيال ميديا لـ “مظاهرة” في حب شريهان، والجميل إن الأجيال اللي معاصرتش فنها، حبوها أكتر وأثرت في الكل كعادتها، خاصة إنها رجعت بنفس شكلها اللي اتعودنا عليه، شعرها الطويل الجميل وجسمها الرشيق، واللوك الخاص بيها لوحدها.
حمد الله على سلامتك يا جميلة.
مقترح
معالم وسياحة
90 دقيقة من القاهرة.. أجمل 7 أماكن في الفيوم هيغيروا موودك
أجمل أماكن الفيوم الفيوم +4
تسوق
