The Definitive Guide to Living in the Capital , Cairo , Egypt

في الوقت اللي كتير من دول العالم قافلة أبوابها بسبب فيروس “كورونا” المستجد، العاصمة المصرية بتشهد مهرجانات وعروض مهمة، على رأسها مهرجان القاهرة السينمائي الدولي، اللي حفل افتتاحه الرسمي هينطلق النهارده، الأربعاء 2 ديسمبر 2020.

والنهارده، المهرجان هيكرم ضمن فعاليات دورته الـ 42 النجمة “مني زكي”، والسيناريست الكبير “وحيد حامد”، والسيناريست البريطاني “كريستوفر هامبتون”.

كمان هيتم النهارده عرض فيلم “الأب – The Father” إخراج فلوريان زيلر في الافتتاح، وده في عرضه الأول بالعالم العربي وأفريقيا، وبحضورعدد من صناعه.

الفيلم من إنتاج المملكة المتحدة وفرنسا، وبيعتبر التجربة الأولى في السينما لمخرجه الكاتب الروائي والمسرحي الفرنسي فلوريان زيلر، واللي اتحولت كثير من مسرحياته إلى أفلام سينمائية، ومن بينها “الأب” الذي كتب له السيناريو كريستوفر هامبتون الحاصل على الأوسكار.

وبتدور أحداث الفيلم، حول أب مسن يرفض الاعتراف بتقدمه في العمر، وبيرفض المساعدات اللي بتقدمها له بنته، وبيعاني من فقد الثقة في العالم كله.

وهتستمر فعاليات المهرجان من النهارده الأربعاء ولحد يوم 10 ديسمبر 2020.