The Definitive Guide to Living in the Capital , Cairo , Egypt

أهالي القاهرة متعودين يسمعوا أغاني فرقة الطنبورة البورسعيدية كجزء من استعراض غنائي على المسارح.. لكن لسه ماحدش فينا شافهم وسط ناسهم في بورسعيد وهما بيقدموا فنهم كحدث عادي في سياق أحداث الحياة اليومية عاكس للهموم والآمال والتطلعات وكل ما يشغل البال والخاطر.

الجمعة الجاية (23 ديسمبر) هيوافق الذكرى السنوية لعيد النصر على العدوان الثلاثي على بورسعيد، النصر اللي كان عِماده المقاومة الشعبية الباسلة، اللي صاحبتها الأغاني الوطنية الحماسية على موسيقى السمسمية، وبالمناسبة دي هتحتفل الطنبورة وسط ناسها للمرة الثامنة والعشرين على التوالي بعرض الأغنيات الشعبية الشهيرة اللي صاحبت الأحداث دي ومابعدها، الاحتفال هيتم في بورسعيد في شارع الشهيد نبيل منصور، بمشاركة براعم الطنبورة وفرقة الوزيري الإسماعيلاوية وفرقة الحنة السويسرية، الاحتفالية هتبدأ في تمام الثامنة مساءً.

تقدروا تعرفوا بقية التفاصيل عن الحفل من هنا، وكل سنة ومصر حرة، وبورسعيد بخير.