The Definitive Guide to Living in the Capital , Cairo , Egypt

فن وثقافة

بتحب الفن؟ ما يفوتكش معرض الدخان الأبيض في المشربية

بتحب الفن؟ ما يفوتكش معرض الدخان الأبيض في المشربية
بواسطة
Cairo 360

 

لو نفسك تروح مكان مختلف النهارده أو اليومين الجايين تقدر تخطف رجليك لحد المشربية جاليري في وسط البلد، واللي بيستضيف معرض “الدخان الأبيض”  للفنان أحمد صبري.

المعرض بيحتوي على أعمال للفنان أحمد صبري اللي بدأ من عام 2008 يتخذ الميديا والصورة الرقمية كمصدر بصري ومفاهيمي لمشروعه الفني.

وصبري استفاد من البناء البصري للصورة التليفزيونية والرقمية وقدرتها على تقديم تكوينات شكلية معاصرة تفرضها طبيعتها الوظيفية كمشاهد الأفلام أو الأخبار أو الإعلانات وغيرها، المعرض بيورينا كمان العلاقة الناتجة عن الصورة والنص ومن محتوى معرفي وثقافي بيعكس فلسفة الإعلام المحترف زي التليفزيون أو اللي بيقدمه الأشخاص على الإنترنت ووسائل التواصل الاجتماعي من مشاركات بتحمل محتوى ثقافي وبصري متغير ومتنوع ومثير للاهتمام .

المعرض المدعوم من الاتحاد الأوروبي استفاد من تجربة كانت في 2011 لما ظهرت صفحة على الفيسبوك بتروج لنظرية المؤامرة وبتحذر المصريين من مخاطر “أعداء الوطن” وكانت الصفحة بتقوم بتجميع الصور والمنشورات على “الفيس بووك” من مصادر مختلفة “حسابات شخصية أو صفحات أو مواقع  وبتعيد تجميعها في شكل أشبه ب “الكولاج” ثم بتقوم بسرد تحليلات للمنشورات دي باعتبارها شفرات بتهدف لافتعال مشاكل ومؤامرات.

وكانت المنشورات دي غنية بالمادة البصرية والمفاهيمية واستفاد منها الفنان أحمد صبري كمصدر لإنتاج أعماله الأخيرة في الرسم والتصوير واللي بتفترض إرسال شفرات بتنتظر اللي يحاول فكها وكشفها .

 

تفاصيل أكتر عن المعرض هنا

 

مقترح