The Definitive Guide to Living in the Capital , Cairo , Egypt

جدل كبير حققه برنامج رامز جلال الجديد “رامز مجنون رسمي” واللي بدأت قناة إم بي سي مصر في عرضه بداية من أول يوم رمضان، وواجه رامز اتهامات بنشر أفكار السادية والتعذيب بسبب البرنامج، لكن في المقابل ناس تانية عجبها البرنامج وشافته مجرد عمل فني كوميدي. 

ويوم الثلاثاء اللي فات، رجع الفنان رامز جلال للقاهرة من دبي، وده بعد فتح رحلات طيران استثنائية لإعادة المصريين العالقين بالخارج.

وكان رامز جلال في دبي لتصوير حلقات البرنامج، وبمجرد رجوعه للقاهرة تم وضعه في الحجر الصحي في واحد من فنادق مدينة 6 أكتوبر، ومن المفترض أنه يخرج من الحجر بعد مرور 14 يوم.

وضيفة رامز جلال في أول حلقات “رامز مجنون رسمي” كانت الفنانة غادة عادل، واللي قريب هنشوفها معاه في فيلم “هيكل نظمي”، وهو من تأليف لؤي السيد وإخراج محمود كريم.

والفيلم كان بدأ تصويره من فترة، لكن التصوير توقف بسبب انشغال رامز ببرنامجه وغادة بمسلسلها “ليالينا 80″، والمفروض أن التصوير هيرجع تاني بعد انتهاء أزمة انتشار فيروس “كورورنا” المستجد.