The Definitive Guide to Living in the Capital , Cairo , Egypt

بعد 67 سنة عطاء وإنجاز، وبعد صولات وجولات في عالم السينما والمسرح والتلفزيون، وبعد عشرات الأفلام والمسلسلات، وبعد صراع طويل مع المرض، صحينا النهارده على خبر رحيل الفنان “فاروق الفيشاوي”.

في أكتوبر 2018 “الفيشاوي” صدم جمهوره ومحبيه أثناء دورة مهرجان الإسكندرية السينمائي الأخيرة، بخبر إصابته بمرض السرطان، واللي حب يوصفه ساعتها بإنه “صداع” هيقدر يهزمه، إلا إنه كان واضح إن المرض كان في مراحله الأخيرة.

وحسب ما ذكرت أكتر من وسيلة إعلام رسمية عن سبب الوفاة، هو دخول الفيشاوي مؤخرًا في غيبوبة كبدية، بعد توقف الكبد عن العمل نتيجة السرطان.

مرحلة التمانينات كانت شاهدة على بدايات ونجومية “الفيشاوي” وكان وش السعد عليه مشاركته في فيلم “المشبوه” مع الزعيم “عادل إمام” واللي حقق شهرة واسعة، وكانت خطوة كبيرة في تاريخ “الفيشاوي”، وشارك بعده في عشرات الأفلام والمسلسلات في خلال المرحلة دي من حياته.

 رحل فاروق الفيشاوي لكن هتفضل أعماله باقية معانا وشاهدة على موهبة فنية صعب تتكرر تاني.