The Definitive Guide to Living in the Capital , Cairo , Egypt

النهارده أول يوم في سنة جديدة من عمر متحف المركبات الملكية بالقاهرة بعد تطويره، وهو واحد من أقدم متاحف القاهرة، لكن تم غلقه فترة لتطويره، وتم إعادة افتتاحه يوم 31 أكتوبر 2020، وبالمناسبة دي، المتحف بيقدم لجمهوره معرض صور يستحق الزيارة بعنوان “متحف المركبات الملكية- نظرة أرشيفية”، وده معرض للصور والوثائق النادرة.. تعالوا نتعرف أكتر على تفاصيل المعرض ده.

معرض “نظرة أرشيفية” اللي بيستضيفه متحف المركبات الملكية ببولاق، فاتح أبوابه للجمهور من يوم 31 أكتوبر 2021، ولمدة شهرين، وهو معرض مؤقت بيعرض مجموعة مهمة من كنوز أرشيف المتحف.

وبحسب بيان رسمي للمتحف، وصل كايرو 360 نسخة منه، بيعد المعرض ده هو المعرض الأرشيفي الأول لوثائق متحف المركبات الملكية، وبيضم مجموعة من الصور الأرشيفية للعربات الملكية وكذلك المكاتبات والمراسلات الإدارية اللي بتتعلق بالأنشطة اليومية الخاصة بشئون المصلحة سواء للعاملين من رواتب وترقيات وجزاءات، بالإضافة إلى متطلبات العربات والخيول وأدوات الزينة الخاصة بها، كمان بيعرض المعرض صور ووثائق بتلقي الضوء على الخدمات الطبية والنظام الغذائي للخيول.

جدير بالذكر إن متحف المركبات الملكية تم إعادة افتتاحه يوم 31 أكتوبر 2020، علشان يحكي تاريخ المركبات الملكية بمصر خلال العصر الحديث، واللي تم استخدامها في أغراض التنقل والاحتفالات الهامة والرسمية.

وبيضم المتحف حوالي 470 قطعة أثرية من أجمل ما يمكن، أبرزها 40 عربية ملكية مختلفة الأحجام والأنواع، ومجموعة من أطقم الخيول ولوازمها، بالإضافة إلى الملابس الخاصة بالعاملين بمصلحة الركائب واللي بترتبط وظائفهم بالعربيات دي، ووقتها كانوا بيلبسوا ملابس ليها طابع خاص بتتميز بزخارف ملونة بألوان زاهية.

إزاي تروح المتحف؟

عنوان المتحف: بولاق، محافظة القاهرة.

ساعات العمل: من 9 إلى 5 مساءً.

تليفون: 0225774437