بمناسبة مرور 10 سنين على كايرو 360.. مسابقة جديدة لكل عشاق التصوير في القاهرة
10 سنين على كايرو 360 صور كايرو 360 مسابقة تصوير
Cairo 360
من سكان القاهرة؟ بتحب التصوير؟ معاك كاميرا أو بتصور بموبايلك؟ عندك الفرصة تشارك في مسابقة كايرو 360 للتصوير، اللي بتهدف لاكتشاف مصورين موهوبين في القاهرة.
ببساطة، صور.. انشر.. اكسب..
لإن #كايرو_360 دليلكم للحياة في العاصمة، وبمناسبة مرور 10 سنين على انطلاقنا.. عشاق التصوير معزومين عندنا علشان نتعرف على مواهبهم ويشاركوا معانا بصورة من تصويرهم.. بس المهم تكون بتوثق الحياة في #القاهرة، وأجمل صورة هيكون ليها جائزة قيمة، مقدمة من شركة آي باكج، أجمد منصة سياحية إلكترونية بتتيح للعميل تخطيط وحجز برنامجه السياحي الكامل في خلال دقيقة واحد.
تقدروا تعرفوا أكتر عن آي باكج من هنا.
كمان أجمل 10 صور هيتنشروا على موقع كايرو 360.
كل اللي عليك تصور صورة للقاهرة، وترفعها على حسابك سواء على فيسبوك أو إنستجرام، وتعملنا منشن، وتحط هاشتاج: #10_سنين_مع_كايرو_360، مع هاشتاج: #صور_كايرو_360.
وخد بالك لازم الصورة تكون بابليك!
المصور المصري “بيشوي فايز” هيختار أجمل صورة، وهيتم الإعلان عن اسم الفائز يوم 23 مارس 2020.
و”بيشوي فايز” هو مصور مصري شاب..بدأ مسيرته الفنية في 2011 كمصور صحفي، واتنشرت صوره في صحف محلية وعالمية كتير، وانتقل للتصوير الوثائقي وتصوير السفر، وله مشاريع مصورة حققت نجاح كبير منها “مصر بعين السمكة” و “تصوير العملات مع المعالم الأثرية المطبوعة عليها”.
وله كثير من معارض التصوير الفوتوغرافي محليًا وعالميًا، وهو حاليًا مصور سفر ومرشد سياحي بيتنقل بين الدول ومدرس ومحاضر في التصوير الفوتوغرافي.
ورونا موهبتكم يا سكان القاهرة!
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
