The Definitive Guide to Living in the Capital , Cairo , Egypt

فن وثقافة

بنت الإسكندرية الجميلة.. 3 معلومات عن الفنانة مديحة كامل في ذكرى ميلادها

ذكرى ميلاد مديحة كامل رحيل الفنانة مديحة كامل معلومات عن مديحة كامل نجمات السينما المصرية
بنت الإسكندرية الجميلة.. 3 معلومات عن الفنانة مديحة كامل في ذكرى ميلادها
بواسطة
Mohamed Talaat

النهارده، 3 أغسطس، هو ذكرى ميلاد الفنانة الجميلة مديحة كامل (3 أغسطس 1948 – 13 يناير 1997)، اللي قدمت للسينما والدراما المصرية مجموعة من أجمل الأعمال اللي خلدت حبها في قلوب المصريين والعرب.

بالمناسبة دي، تعالوا نتعرف أكتر على مديحة كامل من خلال 3 معلومات بيختصروا حياتها ومشوارها الفني.

1 – اتولدت مديحة كامل في مدينة الإسكندرية سنة 1948، وانتقلت للقاهرة سنة 1962 إلى القاهرة وجواها أحلام فنية كتير جدًا، في العاصمة التحقت بكلية الآداب في جامعة عين شمس خلال فترة الستينيات، وفي الفترة دي بدأت مشوارها الفني، وبالتحديد سنة 1964 من خلال مجموعة أدوار صغيرة في السينما والمسرح، وكمان كانت نجمة مميزة في عالم عروض الأزياء.

2 – رحلة مديحة كامل مع الفن كانت بالتدريج، بدأت بمجموعة من الأدوار الثانوية لحد ما حصلت علي دور البطولة أمام الفنان فريد شوقي في فيلم 30 يوم في السجن في أواخر ستينيات القرن العشرين.

3 – للأسف دورها مع فريد شوقي ما فتحلهاش أبواب الأدوار الأولى زي ما كانت متوقعة، واستمرت في تقديم أدوار البطولة الثانية في أفلام كثيرة لحد ما جاءتها الفرصة للبطولة المطلقة مرة تانية مع المخرج كمال الشيخ في فيلمه المهم “الصعود إلى الهاوية” مع الفنان محمود ياسين، واللي بعده انطلقت بقوة في عالم النجومية وقدمت مجموعة مهمة من الأفلام والمسلسلات التليفزيونية والإذاعية.

 

زي نسمة جميلة وبكل هدوء، قررت مديحة كامل تسيب كل حاجة وتعتزل المجال الفني في أبريل 1992، وكان آخر أفلامها هو فيلم بوابة إبليس، واللي بعده فضلت تبعد عن الأضواء والشهرة لحد وفاتها في 13 يناير 1997.

مقترح