The Definitive Guide to Living in the Capital , Cairo , Egypt

المسرح أبو الفنون، وفي القاهرة، وعلى خشبة المسرح، شوفنا عمالقة كتير، متعونا بشغلهم المبهر، ضحكنا معاهم، وبكينا، وغنينا، ورقصنا. لو كنت من عشاق المسرح، فهيكون عنك فرصة للاستمتاع بمجموعة من العروض الجميلة، اللي هيقدمها مهرجان القاهرة الدولي للمسرح التجريبي في دورته الـ 29.

تعالوا نتعرف أكتر على المهرجان ده.

1 – مهرجان القاهرة الدولي للمسرح التجريبي هينطلق في الفترة من 1 إلي 8 سبتمبر المقبل على مسارح القاهرة وبعض المحافظات.

2 – مهرجان القاهرة الدولي للمسرح التجريبي بتحمل دورته السنة دي اسم المخرج العالمي الراحل “بيتر بروك” بسبب تاريخه المسرحي الكبير وتجاربه وكتبه اللي أثرت الحركة المسرحية والبحثية في العالم، واللي خلته واحد من رواد التجريب المسرحي في العالم.

3 – الدورة الـ 29 لمهرجان القاهرة الدولي للمسرح التجريبي، هتكون برئاسة الدكتور جمال ياقوت، وتحت رعاية وزيرة الثقافة المصرية الدكتورة نيفين الكيلاني.

4 – هيقام ضمن فعاليات مهرجان القاهرة الدولي للمسرح التجريبي 10 ورش بتتناول عناصر العمل المسرحي، وهيقدم تلك الورش دي فنانين من دول مختلفة منها اليونان وأمريكا وكندا والجزائر ومصر.

5 – بيهدف المهرجان لخلق حالة من التواصل والحوار بين مختلف الشعوب والجماعات، إضافة إلى تعريف الجمهور في مصر والمنطقة العربية بأحدث التيارات في المشهد المسرحي، وإتاحة نافذة يطل منها أبطال المسرح من العالم كله على أحدث تطورات المشهد المسرحي في مصر والبلاد العربية .