جائزة جديدة باسم “يوسف شريف رزق الله” في “القاهرة السينمائي”
محمد حفظي مهرجان القاهرة السينمائي الدولي يوسف شريف رزق الله
Omar Abd-elmaqsoud
واضح إن مهرجان القاهرة السينمائي الدولي في دورته الـ41 واللي هتنطلق خلال الشهر الحالي، هيكون مختلف عن كل الدورات اللي فاتت، وهيكون مليان مفاجآت وجوائز هتكون موجودة لأول مرة من تاريخ بداية المهرجان.
خلال المؤتمر الصحفي الخاص بالإعلان عن تفاصيل المهرجان، كشف رئيس المهرجان السيناريست والمنتج “محمد حفظي” عن مفاجأة جديدة هيستحدثها المهرجان لأول مرة في تاريخه، وهي عبارة عن جائزة الجمهور بقيمة 20 ألف دولار أمريكي.
الجائزة هتكون هدية لأفضل فيلم من اختيار جمهور المهرجان، من بين حوالي 150 فيلم، منهم 35 فيل هيعرض عالمياً ودوليًا لأول مرة، وهيطلق عليها اسم الناقد الراحل والمدير الفني السابق للمهرجان “يوسف شريف رزق الله”.
حفظي وجه في كلمته الشكر للناقد الراحل يوسف شريف رزق الله، وقال إن مش بس مسابقة أفضل فيلم من اختيار الجمهور اللي هتكون باسم يوسف رزق الله، لأ ده كمان هيتم إهداء الدورة الـ 41 للمهرجان لإسمه.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
