The Definitive Guide to Living in the Capital , Cairo , Egypt

حقق الطفل معتز هشام نجاح كبير بعد ما أدى دور سليم الأول وهو طفل في مسلسل “ممالك النار”، وناس كتير عبرت عن إعجابها بقوة آداءه واتقانه في التمثيل، واللي أدت إلى إشادة النقاد والفنانين والنجوم به،  وده أدخل السعادة جواه، وشكر الجمهور على رد فعلهم.

وقال “هشام” في تصريحات نشرها موقع “الوطن”  إن قصته لتمثيل دور سليم الأول في “ممالك النار”، بدأت في ديسمبر 2018، وإنه تواصل مع مكتب “كاستينج” في الجيزة علشان يؤدي أي دور في مسلسل أو فيلم لحبه في التمثيل، وساعتها فيه صديق اقترح عليه التواصل مع مكتب تاني في الجيزة، لأنهم بيدوروا على طفل سنه 12 سنة، وهو رفض لأنه من الفيوم، وكان مجهد، ولكن مع تصميم صاحبه راح لهم في النهاية.

وكمل هشام حكايته بأنه فوجئ أن المكتبين بيدوروا على ترشيحات لنفس المسلسل لكن المكتب الأول كان “نصاب”، ومالوش أي علاقة بمسلسل “ممالك النار”، وبعد كده خضع لاختبارات التصوير 3 مرات وبعدها حصل على دور “سليم بن بايزيد بن محمد الفاتح” وهو طفل.

معتز هشام أكد أنه استعد لشخصية سليم كويس جدًا، واتفرج على أعمال باللغة العربية الفصحى، وقرأ تاريخ الدولة العثمانية وقصة سليم الأول، وكمان اتفرج كتير على المبارزات بالسيف واتعلم لعبة الشطرنج وقواعدها، وأن شركة الإنتاج وفرت له 3 مصححين لغة عربية لتصحيح مخارج الحروف والتدريب.

هشام كمل تصريحاته بأنه اتدرب على القتال والمبارزة وركوب الخيل في تونس لمدة 15 يوم، بشكل يومي، وأن أصعب الأيام اللي قابلته هي فترة الامتحانات اللي كان بيصور فيها بره مصر، وكان مفترض أنه يرجع قبل الامتحان بيومين، لكن علشان مشاكل في اجراءات السفر لحق الامتحان على آخر لحظة.