The Definitive Guide to Living in the Capital , Cairo , Egypt

بعد نجاح الدورة الأولى من ملتقى “حيّ القاهرة الدولي للفنون”، واللي أقيمت السنة اللي فاتت في عدد من المواقع في وسط البلد، العاصمة المصرية على موعد جديد مع الحدث الفني اللي هنشوف خلاله مجموعة من المعارض الفنية اللي بتجمع أجمل اللوحات والمنحوتات وأعمال من فن التجهيز في الفراغ، وفنون الفيديو والوسائط الجديدة زي الهولوغرام والصوت.

تعالوا نتعرف أكتر على تفاصيل الدورة الثانية من الملتقى.

1 – الدورة الثانية من ملتقى “حيّ القاهرة الدولي للفنون” هتنطلق يوم الاثنين 10 أكتوبر 2022 وهتستمر لحد يوم 30 من الشهر الجاري، وهتضم مجموعة من المعارض الفردية والجماعية للفن المعاصر بالإضافة إلى المشاريع الفنية المستقلة لأكثر من 100 فنان.

2 – هتتوزع أنشطة الدورة الثانية من “حيّ القاهرة الدولي للفنون”، على 9 مواقع، منها: جاليري الفلكي بـ”مركز التحرير الثقافي”، و”سينما راديو”، و”جاليري أكسس”، و”5 محال” في شارع النبراوي، و”فاوندرز سبايس”.

3 – القائمين على الدورة الجديدة وجهوا دعوة إلى 55 فنان مصري للمشاركة بأعمال مستوحاة من “باستيت”؛ إحدى إلهات الحضارة المصرية القديمة اللي كان بيصوّر رأسها على هيئة قطة بتمثل الخصوبة والحب والحنان والحماية. وبيشجع “مشروع باستيت” على إعادة تخيل الرمزية المصرية القديمة دي.

4 – بيعود السبب في اختيار منطقة وسط البلد، بحسب بيان المؤسسة المنظّمة “آرت دي إيجيبت”، نظرًا إلى “تاريخها الذي يمتد إلى القرن التاسع عشر وقام ببنائها أشهر الفنانين المعماريين في العالم”، وهتكون الأماكن اللي هتعرض فيها الأعمال مفتوحة للجميع مجانًا كلّ يوم.

5 – تقدروا تابعوا كايرو 360 الأيام دي علشان تتتعرفوا على أخبار الفعالية المهمة دي.