The Definitive Guide to Living in the Capital , Cairo , Egypt

كلنا عرفنا من قبل بداية الدورة الـ 51 لمعرض القاهرة الدولي للكتاب السنة دي، في دورته الـ51 واللي هيستمر من يوم 22 يناير ليوم 4 فبراير، في مركز مصر للمعارض والمؤتمرات الدولية -التجمع الخامس– إنه وقع الاختيار على الكاتب “جمال حمدان” كشخصية المعرض.

النهارده هنتكلم عن واحد من أهم إنتاجات “جمال حمدان” الأدبية، ويمكن هي أشهر حاجة ليه، على الرغم من تاريخه الحافل، وهي سلسلة كتب بعنوان “شخصية مصر” واللي حققت نجاح كبير ونسبة مبيعات عالية خلال المعرض، خصوصًا بعد ما وفرته هيئة الكتاب بسعر 140 جنيه بدلًا من 1000 جنيه.

تعالوا نعرف أكترعن الكتاب في 5 معلومات سريعة :

1- أول نسخة صدرت من سلسلة “شخصية مصر” كانت سنة 1967.

2- السلسلة بتتكلم عن عبقرية الموقع الجغرافي لـ “مصر” وبيجي في 4 مجلدات.

3- كل مجلد كان له عنوان مختلف وكلها بتتناول مصر من أكتر من منظور، وكشخصية متنوعة (طبيعية – بشرية –تكاملية – حضارية – جغرافية).

4- سلسلة “شخصية مصر” تعتبر مزج بين الجغرافيا والتاريخ والسياسة وعلوم الطبيعة والإنسانيات وغيرها.

5- أول إصدار للسلسلة كان عبارة عن كتاب واحد مكون من 300 صفحة قطع صغير، وده كان قبل ما يتحول لـ 4 مجلدات سنة 1981.

تقدروا تشتروا السلسلة من مقر “الهيئة المصرية العامة للكتاب” في معرض الكتاب في قاعة 1 جناح – B1 ولازم تروحوا بدري علشان النسخ بتخلص بسرعة جدًا.