The Definitive Guide to Living in the Capital , Cairo , Egypt

فن وثقافة

دليلك لويك إند سعيد: حجازي متقال وحنان ماضي وأسياد الزار وحفلات أكتر

A League of Their Own أم كلثوم توم هانكس حجازي متقال حنان ماضي دار الأوبرا دكة أضف ساقية الصاوي كولد بلاي مسرح الضمة
دليلك لويك إند سعيد: حجازي متقال وحنان ماضي وأسياد الزار وحفلات أكتر
بواسطة
Cairo 360

ويك إند جديد ومختلف مع أجندة كايرو 360.. تعالوا نشوف القاهرة فيها إيه الويك إند ده:

الخميس.. ميعادنا مع سهرة من الطرب الأصيل على مسرح الساقية للعرائس اللي هيقدم لنا حفلتين لـ “أم كلثوم” هتغني فيهم “الأطلال” و”لسه فاكر”. سعر التذكرة 37 جنيه.

لو كنتم من محبي فريق”كولد بلاي” وأغانيه، يبقى معادكم  في دار الأوبرا المصرية الساعة 7:30 وليلة فنية مختلفة من أغاني الفريق هيلعبها باند Strawberry Swing. سعر التذكره 100 جنيه.

الساعة 9 في رووم آرت سبيس فرع جاردن سيتي، هنكون على معاد لحضور حفلة الفنان “عمرو جاهين“. سعر التذكرة: 100 جنيه.

يوم الجمعة.. الساعة 8 الساقية هتقدم حفلة فلكلور صعيدى مع “حجازى متقال“. سعر التذكرة: 87 جنيه.

أما دار الأوبرا المصرية، فهتقدم النهارده حفلتين، الأولى للفنانة الكبيرة “حنان ماضي” على المسرح المكشوف الساعة 8. سعر التذكرة: 110 جنيه. الحفلة التانية هتكون مع ثنائي العود “غسان اليوسف” و”دينا عبد الحميد” المشهورين بالعزف المنفرد والعزف على عود واحد مع بعض. الحفلة هتكون على المسرح الصغير الساعة 8. سعر التذكرة: 110 جنيه.

استمتعوا وطبلوا مع “مصطفى بكار” من Let’s play percussion في مركز “جسور الثقافي“. لو مش معاك طبلة المكان هوفرلك طبلة. سعر التذكرة: 50 جنيه لو المكان هيوفرلك طبلة و35 جنيه لو معاك طبلة.

يوم السبت.. هنرجع فلاش باك لأيام التسعينات مع برنامج سيما دكة في دكة أضف، واللي هيعرض لنا كل سبت فيلم كوميدي من إنتاج التسعينات. السبت ده السيما هتعرض فيلم  “A League of Their Own” من بطولة “توم هانكس” الساعة 6.

معادنا مع حفلة الفنانة “نهى حافظ” على مسرح معهد الموسيقى العربية الساعة 8.

أما أسياد الزار فهيقدموا حفلة جديدة على مسرح الضمة الساعة 9. التذاكر متوفره قبل الحفلة على باب المسرح 50 جنيه.

ماتنسوش تتابعوا أجندة كايرو 360 وتعرفوا منها كل جديد في القاهرة.. الأجندة من هنا.

 

مقترح