The Definitive Guide to Living in the Capital , Cairo , Egypt

نجح مشروع روبابيكا، واللي بيهدف لإعادة تطوير وتأهيل المساحات التجارية العشوائية، في جذب أنظار ناس كتير في بينالى فينيسيا الدولى للعمارة 2018، وبسبب المشروع ده اختارت جريدة الجارديان البريطانية، فى تقرير مصور ليها الجناح المصرى  باعتباره أفضل الأجنحة المشاركة في الدورة الحالية وأكتر الأجنحة اللافتة للأنظار السنة دي.

الجناح المصري في بينالى فينيسيا الدولى للعمارة 2018 ركز على الأماكن المفتوحة وإزاي ممكن يتم استغلالها كويس. واللي صمم ونفذ الجناح ده فريق عمل شاب مكون من المعماريين، إسلام المشتولي ومعاذ أبو زيد، وكريم موسى، والإيطالي كريستيانو لوكيتي. واللي فضلوا يشتغلوا في المعرض لـ 9 أشهر متواصلة لحد ما خرجوا بالمشروع المشرف ده.

ودي ثالث مرة يتعمل فيها الجناح المصري في بينالي فينيسيا الدولي للعمارة تحت إشراف الجهاز القومي للتنسيق الحضاري، وبيتم اختيار المشروع الممثل لمصر عن طريق عمل مسابقة علنية بتتعمل  بين المعماريين واللي فاز فيها السنة دي  مشروع “روبابيكيا”.

مشروع روبابيكا بيلفت نظرنا لاحترام كل ما هو قديم، وإعادة استخدامه، منها هنحافظ على البيئة، ومنها هنكتشف كنوز مهملة، تستحق الاقتناء.

مصدر الصور: موقع ولاد البلد