The Definitive Guide to Living in the Capital , Cairo , Egypt

للسنة الثالثة على التوالي، تجار سور الأزبكية الشهير بمنطقة العتبة، أعلنوا رسميًا عن تنظيم المعرض الموازي لمعرض القاهرة الدولي للكتاب، وده بعد ما أعلنت الصفحة الرسمية عن تنظيم المعرض في الفترة من 15 يناير حتى 15 فبراير 2020.

وهيتم إطلاق إسم “مهرجان سور الأزبكية للكتاب” على المعرض، وهيشارك فيه 133 مكتبة من مكتبات السور، وده بخلاف 30 مكتبة هتشارك في معرض القاهرة الدولى للكتاب في دورته الـ51، في مركز المعارض الدولية اللي موجود في محور المشير بالتجمع الخامس.

وأعلنت الصفحة الرسمية لسور الأزبكية أن إقامة المعرض للسنة الثالثة بيأتي استجابة لطلبات المثقفين اللي طالبوا بالحفاظ على الطابع المميز لمشاركة الكتب القديمة ووجودها في معرض خاص بدلًا من رفض بيعها بمعرض القاهرة نظرًا لمخالفتها الشروط،واللي منها شروط الملكية الفكرية.

المعرض هيكون شغال يوميًا طوال الفترة المعلنة من 10 صباحًا ولحد الساعة 10 مساءً، ونسبة الخصم هتوصل لـ70%، وبيع الكتب هيبدأ من 1 جنيه، ولو محتاجين تعرفوا أكتر تقدروا تزوروا صفحتهم على الفيسبوك من هنا.