عاشق الفلك.. قصة حب بين شاب مصري وبين سماء مصر
المصور الفلكي محمد أسامة تصوير السماء والفلك تصوير الفلك سماء مصر مواهب من مصر
Mohamed Talaat
مصر فيها نماذج مبهرة، ناس بيفضلوا ورا حلمهم لحد ما يحولوه لحقيقة، ومحمد أسامة نموذج من المصريين دول، شاب موهوب، بيدرس هندسة اتصالات في الجامعة الألمانية وعضو في الجمعية المصرية لعلوم الفلك والجمعية الفلكية الأمريكية، بيعشق السماء ومجال التصوير الفلكي.
بيقول محمد أسامة: “كلنا بنتولد بنبص علي السما، وكأن شريط حياتنا بنشوفه في النجوم.. كتير مننا حاول يفهم حب الإنسان للسماء والنجوم.. هل علشان لمعان النجوم؟ ولا علشان سكون المنظر؟ ولا يمكن عشان غموض العالم ده؟”.
بيضيف محمد: “حبي للسماء المشترك مع ناس كتير خلاني أبدأ التصوير الفلكي كهواية، ولما أقول التصوير الفلكي بيجي في بالنا على طول شوية نجوم ولاندسكيب حلو، لكن الحقيقة التصوير الفلكي مجال واسع جدًا”.
محمد أسامة اتخصص في مجال Deepsky Astrophotography، والمقصود بيه تصوير المجرات والسدم والنجوم والأحداث الفلكية النادرة، وله صفحة جميلة على فيسبوك فيها صوره.
محمد قرر يروح أماكن مهمة في مصر زي الصحراء البيضاء، واحة سيوة، سانت كاترين، علشان يصور السماء.. ودي كانت نتيجة شغله:
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
