Nagla Ashraf
لما تختلط بثقافات مختلفة وتكون النتيجة أنك تمزج أكثر من نوع موسيقى وتطلع بتحفة فنية جديدة تبقى مبدع وفنان وده اللي بتعمله غالية بن علي الصوت الثوري الدافئ اللي بيأثر في كل اللي بيسمعه.
سفيرة الغناء العربي
غالية هي فنانة تونسية بلجيكية، بتأدي معظم أغاني التراث العربي بس بأسلوبها الخاص، وساعدها في ده الثقافات المختلفة اللي اتعرضت لها سواء في تونس أو في بلجيكا، وبدأت تشتهر في كثير من دول العالم وزاد حب الناس لها، وكمان لقبوها بـ سفيرة الغناء العربي.
واللي ممكن ما يكونش معروف عن غالية بن علي أنها خدت لقب “الفنانة الشاملة” لأنها أبدعت كمان في فن النحت والورقص والموسيقى والتمثيل.
بداية الرحلة
سنة 1996 بدأت معرفة غالية على عازف العود التونسي “مفضل أدهوم” وعازف الإيقاع المغربي “عزالدين جازولي” (والمقيم في بلجيكا برضه) وبدأوا رحلتهم الغنائية سوا في أوروبا. وكان الهدف من الجولات دي، قبل الإحتراف، أنهم يستمتعوا ويتبسطوا وبعدين بقى نوع من أنواع الترويج للّغة العربيّة ونقل الأنغام الشرقيّة للجمهور الأوروبي، زي ما قالت غالية في حواراتها بعد كده.
كمان غالية بدأت تجاربها السينمائية من خلال فيلم «موسم الرجال» للمخرجة التونسية “مفيدة التلاتلي”، ده غير احترافها للرقص ودورها كراقصة في فيلم «سوينغ Swing» للمخرج توني غاتليف Tony Gatlif.
وفي سنة 2008 حصلت غالية على جائزة الموسيقى العالمية، واللي بتمنحها المؤسسة البريطانية المستقلة لأفضل أغنية موسيقية في العالم.
كل فترة غالية بتعمل حفلة في مصر ومن حسن حظنا إن فيه حفلة قريب في دار الأوبرا المصرية وبالتحديد يوم الأثنين 26 مارس.
اعتمد المقال على بعض المعلومات من موقع موالي للغناء
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
