The Definitive Guide to Living in the Capital , Cairo , Egypt

لو كنت من عشاق تاريخ مصر، عندك فرصة لحضور معارض أثرية مهمة في المتحف القبطي بمصر القديمة، وكمان في متحف شرم الشيخ، واللي بيقدموا حاليًا معرضين أثريين مؤقتين، عن رحلة العائلة المقدسة في مصر، وده بمناسبة الاحتفال بذكرى دخول العائلة المقدسة أرض مصر، تعالوا نعرف التفاصيل.

 

“الهروب إلى مصر” في القاهرة

بحسب تصريحات إعلامية لـ جيهان عاطف، مديرة المتحف القبطي بمصر القديمة، المتحف بيحتضن حاليًا معرض تحت عنوان “الهروب إلى مصر”، واللي بيضم مجموعة من 11 قطعة أثرية من مقتنيات المتحف منها 4 مخطوطات من العهد القديم والجديد، وسبع أيقونات نادرة، بالإضافة إلى مجموعات من العملات الحديثة التي أصدرتها مصلحة سك العملة عام 2018 عن محطات رحلة العائلة المقدسة في مصر.

“رحلة العائلة المقدسة” في شرم الشيخ

أما متحف شرم الشيخ، فأكدت ميريام إدوارد المشرفة العام عليه، أنه بيحتضن حاليًا معرض بيتم تنظيمة بالتعاون مع قطاع الآثار الإسلامية والقبطية واليهودية بالمجلس الأعلى للآثار والكنيسة القبطية، بعنوان “رحلة العائلة المقدسة”، وبيتكون من مجموعة من 12 قطعة أثرية عبارة عن 3 مخطوطات من مقتنيات المتحف القبطي، و9 أيقونات نادرة بتعرض لأول مرة بتبرز بعض نقاط مسار العائلة المقدسة والتي من بينها أرض سيناء.

وتم اختيار الأيقونات دي من عدد من الكنائس المصرية، وهي كنائس أبي سرجة، المعلقة، الشهيد مرقوريوس أبو سيفين، الدمشيرية، القديس مارمينا، والملاك ميخائيل.

وكل الأيقونات المعروضة بترجع للقرنين الــ 18 و 19 الميلادي، أما المخطوطات فهي عبارة عن مخطوط البشائر الأربعة اللي بيشير إلى رحلة العائلة المقدسة إلى مصر، وبتظهر في صفحاته بعض المقتطفات من إنجيل متى اللي بتذكر الحدث الجليل ده. وبيبلغ عدد أوراق المخطوط (207) ورقة، أغلبها مزخرفة ومحلاة بالمِداد الأزرق والأحمر والذهبي.

بالإضافة لمخطوط بيمصل الجزء الثاني من السِّنْكِسار، اللي بيحتوي على ذكرى دخول العائلة المقدسة إلى مصر، بالإضافة إلى مخطوط ميامر السيدة العذراء وعجائبها واللي بيسرد الأحداث اللي حصلت وقت مجئ العائلة المقدسة إلى مِصر.

علشان تعرفوا تفاصيل أكتر تقدروا تتواصلوا مع المتاحف مباشرة:

المتحف القبطي بمصر القديمة: تليفون: 0223628766.

متحف شرم الشيخ: تليفون: 01025508188.