The Definitive Guide to Living in the Capital , Cairo , Egypt

فن وثقافة

كتبنا: منصة نشر إلكتروني تستحق التجربة

منصة كتبنا
كتبنا: منصة نشر إلكتروني تستحق التجربة
بواسطة
Cairo 360

في كايرو 360 بندور دايمًا على التجارب المميزة والمختلفة في القاهرة، ومؤخرًا اتعرفنا على منصة “كتبنا” اللي ممكن نعتبرها أول منصة مصرية بتقدم خدمة طباعة الكتب حسب الطلب، بمعنى إن كل الكتب على الموقع إلكترونية، ولو حبيت تشتري كتاب مطبوع بتطلبه منهم وبيقوموا بطبع نسخة خاصة ليك ويبعتوهالك لحد باب بيتك.

الموقع بسيط والتعامل معاه سهل جدًا، وفعلًا عليه كتير من الكتب الشيقة والممتعة في مجالات كتير، اختارنا من خدمة الطباعة حسب الطلب كتاب “هكذا يفكرون” للكاتب عبدالرحمن الذبياني، وهو عبارة عن قصص حقيقية ومشوقة ومعاصرة لناس نجحت في حياتها، والكتاب أقرب لدليل بيخليك تفكر بطريقة مختلفة ومبتكرة.

وصلتنا نسخة مطبوعة من الكتاب في حوالي يومين بس، يمكن الطباعة مش أفضل طباعة في الدنيا، لكنها في نفس الوقت مقبولة جدًا.

منصة كتبنا بتوفر كمان لكل الناس اللي عندها حلم إصدار كتاب خدمة هايلة، وهي إنك ممكن تنشر معاهم كتابك وبيكون موجود على موقعهم وأي حد بيطلب نسخة مطبوعة بيتم طباعتها وإرسالها له على عنوانه. ودي خدمة أكيد هتهم الناس المبدعة اللي بتدور على دار نشر محترمة وجادة.

تجربتنا مع منصة كتبنا كانت إيجابية جدًا.

علشان تعرفوا أكتر عن المنصة دي اضغطوا هنا

وعلشان تعرفوا إزاي تستخدموا وتشتروا من كتبنا خطوة بخطوة اضغطوا هنا

 

مقترح